2020 ଡିଜିଟାଲ୍ ଇଣ୍ଡିଆ ପୁରସ୍କାର – ଡିଜିଟାଲ୍ ଇ-ଗଭର୍ଣ୍ଣାନ୍ସରେ ଉତ୍କର୍ଷତା ପାଇଁ ପ୍ଲାଟିନମ୍ ପୁରସ୍କାର

ସୁପ୍ରିମକୋର୍ଟଙ୍କ ଇ-କମିଟିକୁ 2020 ବର୍ଷ ପାଇଁ ଡିଜିଟାଲ୍ ଗଭର୍ଣ୍ଣାନ୍ସରେ ଉତ୍କର୍ଷତା ନିମନ୍ତେ ଭାରତର ରାଷ୍ଟ୍ରପତିଙ୍କ ଦ୍ୱାରା ପ୍ଲାଟିନମ୍ ପୁରସ୍କାର ପ୍ରଦାନ କରାଯାଇଛି ।
ନାଗରିକ କୈନ୍ଦ୍ରିକ ସେବା ଏବଂ ଅନେକ ଡିଜିଟାଲ ସଂସ୍କାର ସହିତ ଏହି ଇ-କମିଟି ବିଶେଷ କରି କୋଭିଡ-19 ମହାମାରୀ ସମୟରେ ଜୀବନରେ ନ୍ୟାୟ ପାଇବାର ମୌଳିକ ଅଧିକାର ଆଣିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି । ମହାମାରୀ ସମୟରେ ଇ-କୋର୍ଟ ପ୍ରକଳ୍ପ ଦ୍ୱାରା ପ୍ରଦାନ କରାଯାଇଥିବା ଡିଜିଟାଲ ଭିତ୍ତିଭୂମିର ଉପଯୋଗ କରି ଆଭାସୀ ମାଧ୍ୟମରେ ଅଦାଲତଗୁଡ଼ିକ ଦ୍ୱାରା ମାମଲାଗୁଡ଼ିକର ଶୁଣାଣି କରାଯାଇଥିଲା, ଯାହା, ଇ-କମିଟି ଆଭାସୀ ମାଧ୍ୟମରେ ମାମଲାଗୁଡ଼ିକର ପରିଚାଳନା କରିବାରେ, ଭାରତକୁ ଏକ ବିଶ୍ୱସ୍ତରୀୟ ନେତୃତ୍ୱରେ ପରିଣତ କରିଥିଲା । ଆଭାସୀ ଅଦାଲତ ମାଧ୍ୟମରେ ଜୋରିମାନା ଭାବେ 250 କୋଟି ଟଙ୍କା ଅନଲାଇନରେ ପ୍ରଦାନ କରାଯାଇଛି ।
ନାଗରିକମାନେ ଇ-କୋର୍ଟ ୱେବସାଇଟ୍, ମୋବାଇଲ୍ ଆପ୍, ଏସ୍. ଏମ୍. ଏସ୍. ଏବଂ ଇମେଲ୍ ସେବା ମାଧ୍ୟମରେ ଯେକୌଣସି ସ୍ଥାନରେ ଏବଂ ଯେକୌଣସି ସମୟରେ ମାମଲା ର ସ୍ଥିତି, ବାଦ ତାଲିକା, ନ୍ୟାୟାଳୟ ଆଦେଶ ପାଇପାରିବେ । ନାଗରିକ, ମକଦ୍ଦମାକାରୀ ଏବଂ ଓକିଲମାନେ 13.79 କୋଟି ମାମଲା ଏବଂ 13.12 କୋଟି ଆଦେଶ ଏବଂ ରାୟର ବିବରଣୀ 24X7 ଅନଲାଇନରେ ଅବାଧରେ ପାଇପାରିବେ ।
ନ୍ୟାୟିକ ପ୍ରକ୍ରିୟାକୁ ସ୍ୱୟଂକ୍ରିୟ କରିବା ପାଇଁ କେସ୍ ସୂଚନା ପ୍ରଣାଳୀକୁ 3293 କୋର୍ଟ ପରିସରରେ ସକ୍ଷମ କରାଯାଇଛି । ଇ-ତାଲ 14 ଡିସେମ୍ବର 2020 ସୁଦ୍ଧା 242 କୋଟି ଇ-କାରବାର ରେକର୍ଡ କରିଛି ଯାହା ସାଧାରଣ ନାଗରିକଙ୍କ ପାଇଁ ଇ-କୋର୍ଟ ସେବାର ସଫଳତା ଏବଂ ପହଂଚକୁ ଆଲୋକିତ କରେ ।
ଜାତୀୟ ନ୍ୟାୟିକ ଡାଟା ଗ୍ରୀଡ (ଏନ. ଜେ. ଡି. ଜି.) ହେଉଛି ଇ-କମିଟିର ଏକ ପ୍ରମୁଖ ପ୍ରକଳ୍ପ ଯାହା ଦେଶରେ ବିଚାରାଧୀନ ମାମଲାଗୁଡ଼ିକର ଟ୍ରାକ୍ କରିଥାଏ ଏବଂ ଏହି ସୂଚନା ସାର୍ବଜନୀନ କ୍ଷେତ୍ରରେ ଉପଲବ୍ଧ କରାଇ ନ୍ୟାୟିକ ବ୍ୟବସ୍ଥାର କାର୍ଯ୍ୟରେ ସ୍ୱଚ୍ଛତା ସୁନିଶ୍ଚିତ କରିଥାଏ ।
ଇ-କମିଟି ନ୍ୟାସନାଲ ସର୍ଭିସ୍ ଆଣ୍ଡ ଟ୍ରାକିଂ ଅଫ୍ ଇଲେକ୍ଟ୍ରୋନିକ୍ ପ୍ରୋସେସ୍ (ଏନ୍. ଏସ୍. ଟି. ଇ. ପି.) ମାଧ୍ୟମରେ ପ୍ରକ୍ରିୟାଗୁଡ଼ିକର ବିତରଣକୁ ଡିଜିଟାଇଜେସନ୍ କରିଛି ।
ନ୍ୟାୟାଳୟର ୱେବସାଇଟ ଗୁଡ଼ିକୁ ସୁଗମ୍ୟ କରିବା ପାଇଁ ପଦକ୍ଷେପ ଗ୍ରହଣ କରିବା, ଅନଲାଇନ୍ ମାମଲା ଦାଖଲ କରିବା ପାଇଁ ଇ-ଫାଇଲିଂ ଆରମ୍ଭ କରିବା ଏବଂ ଦୃଷ୍ଟିହୀନ ବ୍ୟକ୍ତିଙ୍କ ପାଇଁ ସୁଲଭ ଫର୍ମାଟରେ ଆଦେଶ ଏବଂ ରାୟ ଉପଲବ୍ଧ କରାଇବା ସହିତ ଡିଜିଟାଲ ସେବା ସମେତ ନ୍ୟାୟିକ ପ୍ରକ୍ରିୟାକୁ ଭିନ୍ନକ୍ଷମ ବ୍ୟକ୍ତିଙ୍କ ପାଇଁ ସୁଲଭ କରିବା ପାଇଁ ଇ-କମିଟି ମଧ୍ୟ ପ୍ରୟାସ କରିଛି ।
ଡିଜିଟାଲ ସଂସ୍କାର ମାଧ୍ୟମରେ ନ୍ୟାୟପାଳିକାରେ ବୈପ୍ଳବିକ ପରିବର୍ତ୍ତନ ଆଣିବା ବ୍ୟତୀତ, ଇ-କମିଟିର ପ୍ରଶିକ୍ଷଣ କାର୍ଯ୍ୟକ୍ରମ ମହାମାରୀ ସମୟରେ (ମେ 2020 ରୁ ଡିସେମ୍ବର 2020) 1.67 ଲକ୍ଷ ଓକିଲ, ବିଚାରପତି ଏବଂ ଅଦାଲତ କର୍ମଚାରୀଙ୍କ ନିକଟରେ ପହଞ୍ଚିଛି ।

ପୁରସ୍କାର ର ସବିଶେଷ ବିବରଣୀ