ഇ-കമ്മിറ്റിയെക്കുറിച്ച്
ഇന്ത്യയിലെ നീതിന്യായസംവിധാനം കൈക്കൊണ്ടിട്ടുള്ള വിവര വിനിമയ സാങ്കേതിക വിദ്യാ (ഐ.സി.ടി) സംരംഭങ്ങളെ പരിചയപ്പെടുത്തിക്കൊണ്ടുള്ള പോർട്ടലിലേക്കു സുപ്രീംകോടതി ഇ-കമ്മിറ്റി നിങ്ങളെ സ്വാഗതം ചെയ്യുന്നു. 2015 ലെ “നാഷണൽ പോളിസി ആൻഡ് ആക്ഷൻ പ്ലാൻ ഫോർ ഇമ്പ്ലിമെന്റഷൻ ഓഫ് ഇൻഫർമേഷൻ ആൻഡ് കമ്മ്യൂണിക്കേഷൻ ടെക്നോളജി (ഐ. സി. ടി ) ഇൻ ദി ഇന്ത്യൻ ജുഡീഷ്യറി 2005” എന്നതിന് കീഴിൽ വിഭാവനം ചെയ്ത ‘ഇ-കോർട്ട്സ് ‘ നു മേൽനോട്ടം വഹിക്കാൻ അധികാരപ്പെടുത്തിയിട്ടുള്ള ഭരണസമിതിയാണ് ഇ-കമ്മിറ്റി. ഭാരത സർക്കാരിന്റെ നീതിന്യായമന്ത്രാലയത്തിന് കീഴിലുള്ള നീതിന്യായ വകുപ്പ് ധനസഹായവും മേൽനോട്ടവും നൽകുന്ന ഒരു അഖിലേന്ത്യാ പദ്ധതിയാണ് ‘ഇ-കോർട്ട്സ്”. കോടതികൾ ഐ. സി. ടി.വത്കരിക്കുന്നതിലൂടെ ഇന്ത്യയിലെ നീതിന്യായവ്യവസ്ഥയെ അടിമുടി മാറ്റിമറിക്കുക എന്നതാണ് ഇ-കമ്മിറ്റിയുടെ ലക്‌ഷ്യം.
പദ്ധതി അവലോകനം
• ഇ-കോർട്ട്സ് പ്രോജെക്ട് ലിറ്റിഗന്റ് ചാർട്ടർ പ്രകാരം, കാര്യക്ഷമവും സമയബന്ധിതവുമായ പൗര – കേന്ദ്രികൃത സേവനങ്ങൾ നൽകുക.
• കോടതികളിൽ കാര്യക്ഷമമായ നീതിനിർവഹണ സംവിധാനങ്ങൾ വികസിപ്പിക്കുകയും, ഏർപ്പെടുത്തുകയും നടപ്പിലാക്കുകയും ചെയ്യുക.
• തത്പരകക്ഷികൾക്കു വിവരങ്ങളുടെ ലഭ്യത എളുപ്പമാക്കുന്ന വിധം പ്രക്രിയകൾ സ്വയമേവ ആക്കുക.
• നീതിന്യായ നിർവഹണസംവിധാനങ്ങളുടെ ക്ഷമത എണ്ണത്തിലും ഗുണത്തിലും മെച്ചപ്പെടുത്തിക്കൊണ്ടു,അവയെ പ്രാപ്യവും, ആദായകരവും, വിശ്വാസ്യവും സുതാര്യവും ആക്കുക.
