কুন্তল শৰ্মা পাঠক

শ্ৰী কুন্তল শৰ্মা পাঠক অসম ন্যায়িক সেৱাৰ জিলা ন্যায়াধীশ পদৰ এগৰাকী বিষয়া। তেখেতে ২০০৪ চনত সেৱাত যোগদান কৰে। তেখেতে সমগ্ৰ অসমৰ বিভিন্ন জিলাত ন্যায়িক দণ্ডাধীশ, অসামৰিক ন্যায়াধীশ জ্যেষ্ঠ সংমণ্ডল, অতিৰিক্ত জিলা আৰু সত্ৰ ন্যায়াধীশ হিচাপে বিভিন্ন পদবীত কাৰ্যনিৰ্বাহ কৰিছিল। ইয়াৰ উপৰিও তেখেতে গুৱাহাটী উচ্চ ন্যায়ালয়ৰ মাননীয় মুখ্য ন্যায়াধীশৰ পঞ্জীয়ক তথা প্ৰধান সচিব, সংযুক্ত পঞ্জীয়ক(পি.এম. আৰু পি)/চি.পি.চি. আৰু পঞ্জীয়ক (প্ৰশাসন) হিচাপে প্ৰশাসনিক দিশত বিভিন্ন পদবীত কাৰ্যনিৰ্বাহ কৰিছিল। তেখেতক অসম চৰকাৰৰ ন্যায় বিভাগৰ বিধি নিৰ্দ্দেশক আৰু সচিব হিচাপেও নিযুক্ত কৰা হৈছিল। তেখেতে ২০২৩-ৰ ৯ আগষ্ট তাৰিখে ভাৰতৰ উচ্চতম ন্যায়ালয়ৰ ই-সমিতিৰ সদস্য(প্ৰক্ৰিয়া) হিচাপে যোগদান কৰে।