ఉపోద్ఘాతము
కొత్త సాంకేతిక పరిజ్ఞానాన్ని అవలంబించడం కోసం భారతదేశంలోని న్యాయరంగాన్ని సంస్కరించాల్సిన అవసరం ఉందని మరియు న్యాయస్థానములలో సాంకేతిక సమాచార వ్యవస్థ్యని అమలు చేయడానికిగాను, జాతీయ మరియు కార్యాచరణ ప్రణాళికను రూపొందించాలని, అప్పటి భారత ప్రధాన న్యాయమూర్తి జస్టిస్ ఆర్.సి.లాహోటి గారు,ఇ-కమిటీ రాజ్యాంగాన్ని ప్రతిపాదించారు. భారత న్యాయవ్యవస్థ సాంకేతికత(డిజిటల్) యుగానికి తనను తాను సిద్ధం చేసుకోవటానికి, న్యాయపంపిణీ వ్యవస్థను మరింత సమర్థవంతంగా తయారుచేసే సాంకేతిక పరిజ్ఞానమును,ప్రసార సాధనాలను స్వీకరించడానికి మరియు వర్తింపజేయడానికి,వివిధ కక్షిదారులకు ప్రయోజనం చేకూర్చే జాతీయ విధానానికి, ఈ-కమిటీ దోహదపడుతుంది.
ఇ-కమిటీ సృష్టించిన సాంకేతికత(డిజిటల్) వేదికలు, నిర్ణీత సమయంలో న్యాయ వ్యవస్థ్య యొక్క సమాచారాన్ని కక్షిదారులకు,న్యాయవాదులకు, ప్రభుత్వ/చట్టాలను అమలు చేయు సంస్థలకు మరియు సాధారణ పౌరులు పొందడానికి వీలు కల్పించాయి. సాంకేతికత(డిజిటల్) సమాచార మూలాలు మరియు పరస్పర ప్రభావశాలి వేదికలు ఈ క్రింది విధముగా వీలు కల్పిస్తాయి.
- దేశంలోని ఏ న్యాయస్థానములలోనైనా అపరిష్కృతంగా(పెండింగ్) ఉన్న ఒక నిర్ధిష్ట వ్యాజ్యము యొక్క స్థితి మరియు వివరాలను తేలిసుకొనే వీలు కలుగ చేయడం.
- దేశవ్యాప్తంగా వివిధ న్యాయ సంస్థలలో అపరిష్కృతంగా(పెండింగ్) ఉన్న వ్యాజ్యముల విషయాల నిర్వహణ.
- త్వరితగతిన ముగించవలసిన (ఫాస్ట్ ట్రాక్) విభాగములకు(కేటగిరి) చెందిన వ్యాజ్యముల యొక్క సమగ్ర సమాచారమును తయారుచేయడం మరియు వినియోగించడం.
- న్యాయస్థానముల యొక్క వనరులను సమర్ధవంతముగా వినియోగించడం.
- న్యాయవ్యవస్థ యొక్క సామర్ధ్యాలను మరియు ప్రభావాన్ని పర్యవేక్షించడానికి మరియు అనుసంధానించడానికి సమాచారం యొక్క విశ్లేషణ