ध्येय आणि उद्दिष्ट्ये

गर्भतत्वे/मुलभूत तत्वे/कोअर प्रिन्सिपल्स

तंत्रज्ञान हे ‘ सशक्त’ आणि ‘समर्थ’ करण्यासाठी उपयोगात आणले गेले पाहिजे.
तंत्रज्ञान हे केवळ सद्यस्थितीतील व्यवहार आणि प्रक्रिया यांचे स्वयंचलित करणासाठी नसून तंत्रज्ञान हे स्थित्यंतराचे वाहन असले पाहिजे. एक बलशक्ती जी सर्व नागरिकांना ‘सशक्त’ आणि ‘सक्षम’ बनवते.
सर्वांप्रती न्यायप्राप्तीची खात्री करणे
प्रत्येक व्यक्तीला त्याच्या वादनिवारणार्थ आणि अनुतोष प्राप्तीसाठी न्यायिक संस्थेकडे कोणत्याही ‘डीजीटल डीव्हाइड’ शिवाय किंवा अन्य सामाजिक आर्थिक आव्हानांनी अडथळा न येता संपर्क साधता येण्यासाठी साधने पुरविली गेली पाहिजेत.
एक अत्यंत कार्यक्षम आणि जबाबदारीपूर्ण प्रतिसाद देणाऱ्या न्यायिक प्रणालीची स्थापना
तंत्रज्ञानाच्या उपयोगाने न्यायिक प्रणाली केवळ न्यायदानाच्या शीघ्र वितरणासाठी सक्षम बनवायची नाही तर ‘कार्यक्षमता मापदंड/ इफिशियंसी मॅट्रिक्स’ चा प्रारंभ करून न्यायसंस्थेची क्षमता आणि कार्यप्रभावीपणा यांना नियंत्रित करून मानचित्र निर्माण करण्याचे आहे.

उद्दीष्टे

इ-समितीला पुढील उद्दीष्टांचे मार्गदर्शन राहील :

देशभरातील सर्व न्यायालये आंतरशृंखलेने जोडणे.
भारतीय न्यायप्रणालीमध्ये आय.सी.टी. ची सक्षमता स्थापित करणे.
न्यायिक कार्यक्षमता गुणात्मक आणि संख्यात्मक दृष्टया वृद्धिंगत करण्यासाठी न्यायालयांचे सक्षमीकरण करणे.
न्यायवितरण प्रणाली ही सुलभ संपर्काची, कमी खर्चिक, पारदर्शी आणि उत्तरदायी बनविणे.

टप्पा २ उद्दीष्टे :

किऑस्कस, वेब पोर्टल्स, मोबाईल अॅप्स, ईमेल, एसएमएस पूल, एसएमएस पुश, इत्यादी वाहिन्यांद्वारे न्यायप्रकरणांची माहिती वादकर्त्यांना विविध सेवांचे द्वारे सुलभतेने उपलब्ध करून देणे. विधिज्ञांसाठी न्यायप्रकरणांचे नियोजन आणि वेळापत्रक.
विधीज्ञांसाठी न्यायप्रकरणांची सारणीबद्ध रचना करून नियोजन व व्यवस्थापन करणे.
न्यायिक अधिकारांसाठी न्यायप्रकरणांचे व्यवस्थापनासह न्यायप्रकरणभार यांचे व्यवस्थापन करणे.
राज्यभरातील प्रमुख आणि अन्य जिल्हा न्यायाधिश आणि उच्च न्यायालयांचे न्यायमूर्ती यांचेकरिता पर्यवेक्षण आणि नियंत्रण सुविधांचे निर्माण करणे
उच्च न्यायालये, विधी विभाग, संशोधक आणि अभ्यासक यांचे करिता राज्यभरातील प्रत्येक जिल्हा व तालुका न्यायालयातील न्यायप्रकरणांचे पर्यवेक्षण आणि नियंत्रण करणे.
न्यायवितरण प्रणालीमध्ये सुधारणा होण्यासाठी योजनाबद्ध आराखड्याची निर्मिती करणे.