Ka Iingkashari High Court jong ka Bombay-Nagpur Bench.

Ka Nagpur kadei ka sor ha kaba bun ki karkhana bad kaba iaid bha ka khaii pateng, ka don ha ka bynta ba hapdeng bha ka Ri India.Ha ki por kiba mynshuwa ka la long ka nongbah jong ka jylla Madhya Pradesh hynrei mynta pat ka la long tang ka nongbah synrop jong jylla Maharashtra.

Ia ka Iingkashari High Court ba pura la sdang ha Nagpur ha ka 9,Kyllalyngkot 1936.Ia u Sir Gilbert Stone u nongbishar badonburom jong ka Madras High Court la thung kum u nongbishar bahakhlieh duh banyngkong jong ka Iingkashari High Court.Ia u mawnongrim jong ka jaka trei bathymmai (Ka jaka ba don ka jaka treikam ba mynta jong ka High Court) la thung da u Sir Hyde Gowan (bam kwai ha dwar u Blei) ha ka 9 Kyllalyngkot 1937.La pynwandur ia ka Iingbah da u H.A.N.Medd,uba long u Resident Architect.La shna ia ka ha ka jinglut jingsep kaba kot haduh 7,37,746/- tyngka.Ka jingtei iing ka kynthup ia armala ryngkat bad ka kper kaba don hapdeng ka dwar.Ka jingthew shabar ka long 400 ft x 230 ft.Ka jingpynwandur ba lah don lypa kaba la buh na ka bynta ka dome ha ka bynta ba kongsan bha ka don ia ka jingjrong kaba 109 ft na sla khyndew,kaba sah jong ka jingtei iing ka don ia ka jingthew kaba 52 ft ka jingjrong.Ia ka iingbah la shna da u mawshut wait.La pynwan dur ia ka iingbah da ki maw ba la shniah pynwandur bad la tah ha ki kynroh sawdong bad ki bynta ba shapoh jong ka iing ruh.Ia ka madan ha ki lynti iaid napdeng ki kamra (corridor) bad ia ki kamra ophis la siang da ki maw slab ba lyngkniap.La plie ia kane ka iing ha ka 6,Kyllalyngkot 1940.Ha ka sngi ba plie nyngkong ia ka u Viceroy jong ka Ri India u batai ia kane ka jingshna iing kum ka jingrwai poim ha ki maw.Ka iingkashari High Court ka don ia ka kper ba la pynwandur bha sha ka liang mihngi bad ruh sha ka liang sepngi jong ka.

Ka IIngkashari High Court kaba pyntreikam ia ka bishar ka khadar ha Nagpur ka bteng ban ban ioh jaka ha kane ka jaka trei haduh ka jingiabeit lang kawei jong ki jylla ha u snem 1956.Naduh ka 1,Naiwieng 1956,8 tylli na ki district jong ka Vidarbha kiba kren ia ka ktien Marathi ki la long shibynta jong ka jylla bakhraw jong ka Bombay ha ka jingdon ki jaitbynriew ba kren atylli ki jait ktien.Ki ba sah pat kiba long ki khatsaw tylli ki district jong ka jylla ba mynshuwa ka Madhya Pradesh kiba kren ia ka ktien Hindi ki la long pat shibynta jong ja jylla ba dang shna thymmai jong ka Madhya Pradesh ia kaba don ia ka nongbah ha Bhopal,Ka Iingkashari jong ka Madhya Pradesh la niew ia ka kum ka nongmih bujli jong ka iingkashari High Court jong ka Nagpur.

Ka bench jong ka iingkashari High Court ha Bombay la la sdang ban shong ha kane jingtrei iing ha Nagpur naduh ka 1,Naiwieng 1956 bad ka dang iai bteng ban leh kumta wat haduh ka jingthaw ia ka jylla Maharashthra ha ka 1 Jymmang 1960.

Ka jingpynkha ia ka jingtei iing ka Iingkashari High Court ka kynthup ia ki ar tylli ki iing pyniasnoh (annex building) ha baroh ar liang jong ka iing ba lah don lypa.,kata ka long ka bynta ba shatei bad shathie jong ki thapniang iing.Na ka bynta kane ka sorkar jylla jong ka Maharashthra ka la mang 1,29,26,605/- tyngka ha ka 21 Lber 1983.Ki iing ba shathie ki ai jaka trei ia kiba bun ki jingdonkam na ka bynta ki paidbah,kita ki long ki mamla ba iashim bynta ha ki jingmudui mukotduma (litigants) , ki dkhot ka Bar bad kumjuh ruh ki muktiar sorkar kynthup ia ki muktiar jong ka sorkar pdeng.