TSHC – Ka Iingkashari High Court jong ka jylla Telangana – Ka Histori

Ia ka Iingkashari High Court la sdang da u Nizam ba 7 u H.E.H. Mir Osman Ali Khan. Ha kaba sdang,ia ka Iingkashari High Court la pynmih kum ka Iingkashari High Court jong ka Hyderabad na ka bynta ka jaka syiem ne hima jong ka Hyderabad Deccan ha kato ka por, kata ha ka snem 1919 ryngkat 6 ngut ki Nongbishar.

Ka Ri India ka la ioh ia ka jinglaitluid ha ka 15 tarik u Nailar 1947, hynrei ka jylla Hyderabad ka lah ai ia ka jingmynjur ban pyniasnoh bad ka Ri India haduh ka 17 tarik u Nailur 1948. Ki jingkyrpad pyrshah ia ki rai jong ka Iingkashari High Court ba dang sah hakhmat ka Committee bishar khadar lah pynkynriah noh sha ka Iingbishar ba ha khliehduh jong ka Ri India hapoh ka Article 374 (4) jong ka Riti Shynshar ka Ri India.

Hadien ka jingthaw jong ka Jylla Andhra Pradesh hapoh ka States Reorganisation Act, 1956 katkum ka nongrim jong ka kyntien ba kren, lah pynkylla kyrteng ia ka Iingkashari high Court sha ka Iingkashari high Court jong ka jylla Andhra Pradesh, bad lah thaw ha ka 5 tarik u Naiwieng 1956. Ka Iingkashari High Court ka shakri ia ki jylla jong ka Andhra Pradesh ba iatylli naduh ka 1956 haduh ka 2014 ha kaba ka Principal Seat ka don ha Hyderabad. Ha kata ka por, ki Nongbishar ki lah kiew na ka jingdon jong ki na ka 12 ngut ha ka snem 1956 sha ka 61 ngut ha u snem 2014.

Ka Iingkashari High Court ka la lehkmen ia ka jingdap 50 snem naduh ba seng ia ka ‘ka jinglehkmen jubilee ksiar’, ha ka snem 2006. U President ba donburom jong ka India u Dr. A.P.J. Abdul Kalam bad kiwei kiwei ki kongsan ba donburom ki la iadon bynta lang bad ka Iingkashari High court ha kane ka jinglehkmen.

Hadien ka jingphiah noh jong ka jylla Andhra Pradesh hapoh ka Andhra Pradesh Reorganisation Act 2014, la pynkylla kyrteng noh ia ka Iingkashari High Court sha ka Iingkashari High Court na ka bynta ka bishar ka khadar ha Hyderabad na ka bynta ka jylla Telangana bad ka jylla Andhra Pradesh, bad ka la shakri kum ka Iingkashari High Court jong baroh ar tylli ki jylla. U President jong ka India ha ka 26 tarik u Nohprah 2018 u la pynmih ka hukum ban phiah noh ia ka Iingkashari High Court na ka bynta ka bishar ka khadar ha Hyderabad na ka bynta ka jylla Telangana bad ka jylla Andhra Pradesh sha ka Iingkashari High Court na ka bynta ka jylla Telangana ha kaba buh ia ka Principal Seat ha Hyderabad bad ka Iingkashari High Court jong ka Andhra Pradesh ha kaba ka Principal Seat la buh ha Amaravati. Ka jingphiah bad jingmih jong ki Iingkashari high Court ba la ka jong na ka bynta ka jylla Telangana bad Andhra Pradesh la pyntreikam naduh ka 1 tarik u Kyllalyngkot 2019.

Kumta ka Iingkashari High Court ka la shakri ia ki briew jong ki lai jylla – Ka jylla Hyderabad ha ki por Nizam, ka united Andhra Pradesh bad mynta pat ia ka jylla Telangana.

Ka Iingkashari High Court ka la ioh ia ka kabu bad jinglong kyrpang ban phah shibun ki nongbishar ba paw sha ka Iingbishar ba ha khliehduh jong ka Ri India. Ki Nongbishar jong kane ka Iingkashari High Court kiba la pynitynnad bad shakri ia ka Apex Court of Justice ki long u Justice Koka Subba Rao, u Justice P. Satyanarayana Raju, u Justice P. Ramaswamy, u Justice O. Chinnapa Reddy, u Justice K. Ramaswamy, u Justice K. Jayachandra Reddy, u Justice B.P. Jeevan Reddy, u Justice M. Jagannadha Rao, u Justice Syed Shah Mohammed Quadri, u Justice P. Venkatarama Reddi, u Justice Sudershan Reddy, u Justice Jasti Chelameshar, u Justice N.V. Ramana bad u Justice R. Subhash Reddy.

Ka TSHC Computer Committee ka jingdon briew ha ka Computer Committee jong ka Iingkashari High Court jong ka jylla Telangana.

Ka TSHC Computer Committee TSHC – Ka jinglam lynti ha ka jingtrei jingktah da ki buit stad bad ka jingjop jong ka Iingkashar High Court jong ka jylla Telangana.