Ka TSHC Computer Committee TSHC – Ka jinglam lynti ha ka jingtrei jingktah da ki buit stad bad ka jingjop jong ka Iingkashar High Court jong ka jylla Telangana.

• Ka e-Newsletter:

Ka e-Newsletter lah pynmih da ka jingmut ban pyni ia ki jingshim synjan, ki jingjia prokram bad ki jingjop jong ka Iingkashari High Court ha ki electronic (PDF) format ba lah pynmih ha ka website jong ka Iingkashari High Court. Ia ka e-Newsletter yn pynmih shisien man la ka lai bnai. Ka e-Newsletter kan don ia ki jinglum jingtip ba dei shaphang ka jingsdang, jingkut bad jingsah jong ki mokotduma ha ka Iingkashari High Court bad ha kylleng ki Iingbishar jylla. Ki jingbishar ba lah ai da ki Nongbishar ba don burom jong ka Iingkashari High Court kiba long kongsan bad ba iadei bad u paidbah ruh yn pynmih ha kane ka e-Newsletter.

Ka e-Newsletter shuh shuh kan pyni ia ki jingtrei jingktah, jingjop bad ki jinglum jingtip jong ka Telengana State Judicial Academy, ka Telengana State Legal Services Authority, ka Committee jong ka Iingkashari High Court Legal Services bad ki Iingbishar distrik/ki Unit ha ka jylla Telangana.

• Ka e-Visitor Pass:

Ka Iingkashari High Court ka lah pynmih ia ka e-Visitor pass portal lyngba ka no-line na ka bynta ki nongleit nongwan jong ka Iingkashari High Court kum ki briew ba ia shim bynta ha ka mokotduma, ki nongmihkhmat jong ki agency bapher bapher, ki supplier, ki nongdie jingdie bad kumta ter ter. Kita ki nongleit nongwan ki lah ban ioh ia ka e-Visitor Pass ba lah shna da ka komputor na ki portal ba iadei ba don ha ka website jong ka Iingkashari High Court.

Man la ka pass ba lah ai da ka e-Visitor Pass Online System/Security Reception Centre kin don ia u number na ka bynta ban ithuh hadien habud pat. Kumjuh, ki nongleit nongwan kim donkam ban ai ia ka jingbatai bniah shaphang jong lajong ha ka jingwan jong ki kaba hadien pat sha ka Iingkashari High court Ka e-visitor Pass ka iarap ia ka Iingkashari High Court ban ithuh ia ki nongleit nongwan, ban peit bad pyniaid ia ka rukom iaid rukom ieng jong ki nongwan sha ki jaka jong ka Iingkashari High Court bad ban bishar ne khmih ia ka jingbun jong ki nongleit nongwan ha kano kano ka por.

• Ka Training na ka bynta ki Nongtrei
  

Ka Iingkashari High Court ka buh jingban jur ha ki prokram training bad ka sngewthuh ia ka jing kordor ban iai bteng ia ka jingnang jingtip. Ka Iingkashari High Court ka lah ithuh ia ki khyndiat ngut ki nongtrei jong ka Iingkashari High Court kum ki Master Trainer ban ai ia ka jinghikai kaba da ki kor jingstad sha kiwei ki nongtrei kiba trei ha kylleng ki section jong ka Iingkashari High Court ha kaban pyntreikam ia ka bishar ka khadar bad ruh ban wan sha ki Virtual Courts ba iadei bad ka kam ka jam lyngba ka Video Conferencing.

• Ka jing pyn Digitization ia ki jingthoh jongtar mokotduma.

Ki kot ki sla ba iadei bad ki mokotduma jong kiba dang sah bad kiba lah dep pyndep lah scan bad pynrung ha ki komputer ne ban digitized na ka bynta kine ki daw harum:

•  Ka Iingkahsari High Court ba khlem pyndonkam kot lyngba ki Wacom Display Boards.
• Ki tiar ki tar donkam jong Ka Iingkahsari High Court ba khlem pyndonkam kot na ka bynta ki Nongiasaid ain ha ka hall Iingbishar.
• Ka Virtual Court lyngba ka Video conference.
• Ka jingai ia ki Kot ki sla ba lah dep pynshisha (Certified Documents).
• Ban ai QR Code na ka bynta ki sla mokotduma.

Ka Iingkahsari High Court ba khlem pyndonkam kot lyngba ki Wacom Display Boards:

Ka jingtreikam jong ka Paperless eCourt ka long ban pyn digitalize ne ban thep lut ha ki komputor ia ki kot ki sla ba iadei bad ki mokotduma bad ban phah pat ia kita ki jingthoh ba lah digitize sha ki hall ka Iingbishar lyngba ka komputor. Kan sa don ka Casuselist (Ka list ki Mokotduma ba dang ap ban shah sngap) ba lah thep ha ki komputor (electronic causelist) hakhmat u Nongbishar ba donburom, kaban sa iahap bad kita ki electronic cases records (Jingthoh ba iadei bad ki mokotduma ba lah dep thep ha ki Komputor) kiba don ha ka database. Kita ki file electronic kin sa plie ha ki monitor ba lah buh hakhmat u Nongbishar ba donburom bad u nongbishar ba donburom u lah ban ioh ia kita ki file ha ka monitor bad u lah ruh ban buh jingthoh hangta hi(digital notings). Lah mang ruh ban record ia ki kyntien jong ka jingbishar ha ka komputor ia kiba lah pat ban pyndonkam da ki Stenographer na ka bynta ban thoh pat ia kita ki kyntien.

Ha ka 17/07/2016, U Nongbishar ba donburom jong ka Iingbishar ba ha khliehduh jongka Ri India, u Justice Madan B.Lokur bad u Nongbishar ba dei peit, jong ka e-Committee, Iingbishar ba ha khliehduh jong ka Ri India u lah plie ia ka e-court kaba nyngkong eh (Ka Iingbishar ba khlem pyndonkam kot ne ka ‘Paperless court’) ha ka Iingkashari High court ba khmih ia ka bishar ka khadar ha Hyderabad ha kato ka por. U nongbishar ba donburom jong ka Iingkashari high Court u Justice P.Naveen Rao, u lah shong pyniaid ia ka eCourt ha ka 18 tarik u Naitung 2016.

Ka jingmut jong ka Paperless eCourt ka dei ban pyndonkam kham bun da ki kot ba don ha ka komputor(electronic paper) ha ki Hall Iingbishar bad ban pynduh noh ia ka jingiaid jong ki kot ki sla mokotduma, kiba bam por bad bam bor. Kane ka dei ka ba lam lynti ia ka e-Filing.

Yn sa shim ia ki synjam ban shah ia ki nongiasaid ain ba lah nang lah stad ban ai ia ki jingiasaid katkum kata ka record electronic da kaba ai ia ki tiar electronic sha ki nongiasaid ain ba lah nang lah stad. Ha kum kane ka rukom pyniaid kam, ki nongiasaid ain ba lah nang lah stad kin lah ban kiar na kaba wanrah ia ki kot baheh na ka bynta ka mokotduma ba bun kot ki sla sha ki hall jong ka Iingbishar. Da kaba pyndonkam da ka e-Casuelist, ka Display Board jong ka Iingbishar kan sa shah pynthymmai hi khari khari khlem kano kano ka jingpynrung ba da ka kti bad ia ki SMS sha ki Nongiasaid ain ruh yn sa phah hi.

Ka Video Conferencing System:

Ka Meeting jong ka Iingbishar baroh kawei bad kiwei kiwei ki Committee ba iadei bad ka jingsynshar kam jong ka Iingkashari High Court lyngba ka Video Conference:

Baroh ki nongbishar badonburom jong ka Iingkashari High Court ki ia shim bynta ha ki meeting jong ka Iingbishar baroh kawei lyngba ka Video Conference ha man la ka por ban peit ia ki jingeh haba iadei ban ka jingtreikam ha ka Iingkashari High Court bad ha ki Iingbishar ba hapoh.

Ka jingshngap ia ki mokotduma lyngba ka online (Vurtual Court Cases Hearing) da kaba pyndonkam da ka Video Conferencing Application:

Ka Iingkashari High Court jong ka Telangana ka lah pyntreikam/pynlong kam ia ki benches baroh lyngba ka video conference da kaba pyndonkam da ka WebEx Meeting Software Ki Id jong ki kamra lah phah sha kai Nongiasai Ain bad ia kito ba don bynta ha ka mokotduma lyngba ka SMS khari khari. Kata ka causelist ba man ka sngi lah pynshna ne pynthymmai ha kata ka rukom ban lah ban pynrung ia ki number phone jong kai nongiasaid ain na ka bynta ka jingtreikam jong ki nongtrei ba pyniaid ia ka Video Conference Session. Ia ki kot ki sla ba iadei bad ka mokotduma ba lah dei ban shah sngap ha kano kano ka sngi lah scan bad lah ai copy ia kata kajuh sha ki Nongbishar ba donburom.

Ka jingpyndonkam ia ka Video Conferencing System ha ki iingbishar distrik bad ki Iingbishar ba hapoh:

Lah ai ia ki account CISCO WebEx Meeting sha baroh ki distrik jong ka jylla na ka bynta ban pynlong ia kata ka virtual court ha ki Iingbishar ba hapoh.

Ka jingai training on-line (Virtual Training) na ka bynta ki Ophisar ka bushar ka khadar/nongtrei:

Ka Telengana State Judicial Academy ruh ka lah ioh ia ka account CISCO WebEx Meeting ha kaba ka State Judicial Academy bad ki Nongbishar barim ba donburom ki pynlong ia ka Virtual Training/ki Class na ka bynta ki Ophisar ka bishar ka khadar kiba long ki nongshah ai jinghikai ha man la ka teng.

Ka jingbuh ia kiControl Room na ka bynta ki Nongiasai Ain:

Ban ailad ne pynstet ia ki Nongiasaid Ain kibym ioh ka lad ban ia shim bynta ha ki Virtual Courts ba la leh da ka Iingkashari High Court na la ki jong ki jong ki Iing, Ka Iingkashari High Court ka lah buh ia ki katto katne ki Control Room ha ka Iingkashari high Court na ka bynta ka jylla Telengana bad sa artylli ruh lah pynmih ha ka Telengana State Judicial Academy, ha Secunderabad na ka bynta ka jiniaid beit jong ki Virtual Courts. Ki Nongiasai Ain/ki Mamla ba iadei ruh ki lah ioh ban pyndonkam bha ia kane.

Ka Mobile Video Conference Facility na ka bynta ki Nongiasai Ain ha ki Nongbah Distrik.

MKa Mobile Video Conference Facility na ka bynta ki Nongiasai Ain kibym da ba biang ka jingnang jingtip shaphang ki kor komputor bad ka internet, da ka phang “Access to Justice at Door Step” (Ka jingioh ia ka jingbishar hok ha ka jingkhang iing) lah shna ha ki Iingbishar Distrik da ka jingiarap jong ki Distrik Collectorn ha kaba sdang lah pynmih ha ka Distrik Warangal kum ka Project sdang ne Project ba dang pyrshang. Kita ki kali van ba lah biang lut nadong shadong(Mobile Van) ki poi sha ki jaka ba kyndong ha ki nongbah Distrik, khnang ba ki Nongiasaid Ain kiba sah ha kita ki kyntoit ki lah ban pyndonkam da kata ka Mobile Video Conference Facility ban iashim bynta ha ki Virtual Courts.

Ia kita ki Mobile Van lah plie da u Nongbishar ba ha khliehduh ba donburom bad ki Nongbishar ba peit ia ka jingtreikam jong kita ki Distrik ba iadei. Ki Nongbishar badonburom jong ka Iingkahsari High Court ki lah pynshongkun ia kata ka jingrakhe ia ka jingplie lyngba ka digital platform.

Ka jingpyniasnoh jong ka Video Coference hapdeng ki Spl. Sub Jail bad ki complex Iingbishar:

Ha ka 29 tarik u Rymphang 2016, ka jingpyniasnoh jong ka Video Coference hapdeng ki Spl. Sub Jail bad ki complex Iingbishar la lah ban pyndep. Kane ka lah iarap bha ban pynduna ia ka jingwan mih da ka met ia kito ki nongshahmudui hakhmat ka Iingbishar.

Ka meeting ophis ba khlem pyndonkam kot. (Paperless Office Meetings):

Baroh ki Meeting Committee hapoh ka Iingkashari High Court lah pynlong khlem ka jingpyndonkam kot. Baroh ki Nongbishar ba donburom bad ki Registrar lah ai da ki Apple iPad 10.5 na ka bynta kane. Khlem phah shuh da ki kot jingthoh sha ki Nongbishar ba donburom bad tang da kiba lah scan ne ki digitized files lah phah lyngba ka platform ne ka rynsan SLACK.

Ka software na ka bynta ban ai ia ki kot ki sla ba lah dep pynshisha(Certified Documents issuance software) da kaba pyndonkam da ki file digital.

Ka Certified Document Section Software lah plie ha ka 15 tarik u bnai Nailar 2019 da u nongbishar ba ha khliehduh ba donburom ha ka sngi rakhe jinglaitluid ryngkat ka jingdon lang jong ki nongbishar ba donburom jong ka Iingkashari High Court.

Ka CD Section Software ba thymmai ka iarap ia aki Nongiasai Ain/Ki briew ba ia shim bynta ha ka mokotduma ban ioh ia ki kot ki sla ba lah dep pynshisha hangto hangto ne ban ioh kloi da kaba pyndonkam da ki digital case file. Ki Nongiasai Ain/briew ba iashim bynta ha ka mokotduma ruh kin sa ioh ia ka SMS ba batai shaphang ka jinglong jingman jong ka application jong ki ha man la ka teng ba iaid kata ka jingpyntreikam ia ka application.

Ka Iingkashari High Court ka lah thmu ruh ban pyniasnoh ia ka rukom siew online (online payment facility) ha kane ka software bad ban buh ia ka software ha ka website jong ka Iingkashari High Court ban ai ia ka jinglong jingman jong ka CP application.

Haduh mynta ka Iingkashari High Court ka lah pynmih ia ka jingsiew da ki Debit Card lyngba ka Point of Sale(POS)/swipe machine na ka bynta ki kot ki sla ba lah dep pynshisha (Certified Documents).

Ban ting noh da ka Open Source Software ha ki kam bishar khadar ha Jylla.

Na ka daw ka jingban jur jong ka eCommittee ba donburom halor ka Free and Open Source Software (FOSS), Ka Iingkashari High Court ka lah shim ia ka synjam ban pyndonkam ia ka Open Source Software kham bun ha ka jaka ban ai ia ka jingshaniah lut ha ki software ba dei trai da kiw.ei Kiba bud harum ki dei kita ki Open Source Software ba khyndiat ba lah pyndonkam da ka Iingkashari High Court bad ki Iingbishar ba hapoh jong ka jylla Telengana ryngkat lang bad ki software ba long trai da kiwei. (Proprietary Software).

• Ubuntu Linux – Operating System
• Libre Office – Office Productivity Suite
• PDF Sam basic – PDF operations
• Jitsi Meet – Video Conferencing Software
• Postgre SQL – Database
• PHP, Java – Programming Language

Ka jingai jingtip lyngba ka SMS (SMS Alert System):

Ha ka 15 tarik u Nailar 2015 lah pyllait paidbah ia ka SMS alert system, lyngba kane ka lad, ka jinglong jingman jong –

style=”text-align: left;padding-left: 40px”>–  Case filing (Jingthep ne jingbuh ia ki Mokotduma),
–  Security Information (Jingtip ba iadei bad ka jingshong suk shong sain) and
–  Case Registrtion (Ka jing register ia ki mokotduma)

lah pyntip sha ki nongiasaid Ain ba lah dep register ha ki number phone jong ki, kaba ailad ia ki ban peit bad khmih ia ka jingiaid ia karukom trei ba iadei bad ki mokotduma ba lah buh ne ai ma ki;
Ka jingpyntip shaphang ka jingsngap ia ki mokotduma ha ka Iingbishar ruh lah pyntip sha ki Nongiasai Ain lyngba ka SMS. Na ka bynta kawei pa kawei ka mokotduma kin don ar tylli ki jingpyntip, kaba nyngkong, lada don sa hynniew tylli ki mokotduma ba dang hap sngap kiba don hakhmat ka mokotduma jong uta u Nongisaid Ain bad kaba ar, lada sah sa 3 tylli ki mokotduma ba hap ban snagp. Kane ka iarap ia ki Nongiasai Ain ba kin pynbeit pynbiang lupa ia ki kam jong ki ha ki Iingbishar bapher bad ban poi sha ka Iingbishar ha ka por ba biang.

Causelist (Ka list ki Mokotduma ba dang ap ban shah sngap):

Ka Iingkashari High Court ka lah pyndap shuh shuh sa khyndiat ki kor treikam thymmai ha ka list kabe ki Nongiasai Ain ki ju pyndonkam bha, ka Causelist, ban ailad ia ki ban ioh ka jingtip bniah shaphang ki mokotduma jong ki bad ka tarik ba dei sngap.

Personalized Advocate-Wise Causelist(Ka Causelist ba shimet shimet jong ki Nongiasai Ain):

Ha u bnai Nailur 2015, lah plie ia ka Personalized Advocate-Wise Causelitst. Kane ka Personalized Causelist lah pynmih hi bad pyllait lyngba ki e-mail sha ki Nongiasaid Ain ba iadei ba lah dep register.

Naduh ka 26 tarik u Risaw 2015, ka Iingkashari High Court ka lah buh ruh ia ka causelist kaba lah ban peit bad ban pyndonkam ha ka website ka jong ka.

Causelist na ka bynta ka Hall Iingbishar.

Ka ‘Court Hall Causelist’ lah pynmih na ka bynta ki hall Iingbishar ha kaba baroh ar kata ki bench marwei bad ki division bench kidei ki bench ba pyniaid ne sngap mokotduma ha kajuh ka sngi hynrei la ka jong ka por.

Ki Digital Display Board.

Ha ka 20 tarik u Naiwieng 2015, lah buh ia ki Digital Display Board ha baroh ki hall Iingbishar bad ha ki jaka ba iohi bad kiba long shai, kum ha ki Bar Association, ka Ophis Building jong ki Nongiasaid Ain jong ka Sorkar, ka Library jong ki Nongiasai Ain bad ka canteen jong ki Nongiasaid Ain. Kine ki Digital Display Board ki pyni ia ka jinglong jinglman jong ki mokotduma kiban shah sngap ne ba lah dep sngap ha baroh ki Hall Iingbishar bad ka pyni ia ki jingpyntip kiba donkam lyngba ka notification bar Ia ka Digital Display Boards lah buh ruh ha ka website jong ka Iingkashari High Court bad ha ki mobile bad Wev Application na ka bynta ka jingmyntoi jong ki Nongiasaid Ain bad ki briew ba iashim bynta ha ka mokotduma.

Ki Display Board shapoh, shabar jong ki Hall Iingbishar:

Lah buh ruh ia ki Display Board shabar baroh ki Hall Iingbishar hapoh ka Iingkashari High Court. Ki pyni ia ar tylli ki jingpyntip hajuh hajuh, kawei ka pyni ia ka mokotduma ba dang shah sngap bad kawei pat ia baroh ki Iingbishar ba don bad ka jingpyntip shaphang ka mokotduma ba dei ban shah sngap ha ki.

Ki Display Board ha ki Counter:

Ka Iingkashari High Court ka lah buh ia ki Display Board shabar ki counter ba thymmai ban pyntip ia ki Nongiasaid Ain bad ki nongiarap jong ki shaphang ka jinglong jingman jong ka mokotduma ba ki la dep ban thep, u Ophisar ba dei khmih ba lah buh, ki jongduna, ki jingshah pynphai bad kumta ter ter.

Ki KIOSK Machine:

Ha ka 20 tarik u Naiwieng 2015, ka Iingkashari High Court ka lah buh ia 8 tylli ki Kiosk Machine ha ka phyllaw jong ka Iingkashari High
Court premises. Lyngba kine ki KIOSK, uno uno u briew u lah ban ioh jingtip shaphang ka jinglong jingman jong ka mokotduma

bad ruh ban ioh ia ki jingbatai bniah shaphang ki hukum bad jingbishar ba lah ai halor kata ka mokotduma.

Ka Iingkashari High Court ka dang don ha ka lynti treikam ban pynmih ia ka e-Office kaban pyniadait ia ka jingiaid jong ki file lyngba ka online ha baroh kiba iadei bad ka jingtreikam treijam hapoh ka Iingkashari High Court bad ruh hapdeng ka Iingkashari High Court bad ki Iingbishar ba hapoh.

Ka Justice Clock:

Ka Justice Clock lah buh hajan ka lynti ban rung sha ka Iingkashari High Court ka pyni ia ki jingioh jingtip ba lah lum kum ka jingshna ne jingbuh, jingpynduh ne jingdep bad jingsah jong ki mokotduma ha ka Iingkashari High Court bad ha ki Iingbishar Distrik jong ka jylla Telengana, kiei kiei kiba iadei bad ki paidbah ia kiba lah ai jingmut da ka Iingbishar ba hakhliehduh ba donburom jong ka Ri India bad ka Iingkashari High Court. Kata, ki Brochure(Sla ba ai jingtip) shaphang ki jingtreikam jong ka e-Court bad ki jingtip jingbniah halor ka NSTEP, ka eFiling, e-Sign, e-Payment, NJDG bad ka portal ki e-Court, bad kiwei kiwei ki dur, video, eBrochures bad kumta ter ter., shuh shuh kano kano ka jingpyntip ba lah ai jingmynjur da ki Nongbishar ba donburom jong ka Iingkashari High Court sa pyni ha kata ka Justice Clock.

ICJS(Interoperable Criminal Justice System):

Haba dei bad ka jingpyntreikam ia ka ICJS bad NSTEP, ka Iingkashari High Court jong ka jylla Telengana ka dei ka nonglam lynti bad kum ka bynta jong ka ICJS, ka project ba lah pyrshang lah sdang ha ki Subedari Police Station jong ka Warangal Police Commissionerate bad kata ka jingpyrshang ka lah seisoh. Ha ka 15 tarik u Nohprah 2018 u Justice Madan B Lokur, badonburom, u Chairman jong ka Interoperable Criminal Justice System (ICJS) bad u Nongbishar ba dei peit ia ka eCommittee, Iingbishar ba ha khliehduh ba donburom jong ka Ri India, u lah plie ia kata ka project ha ka Distrik Warangal lyngba ka Video Conference ba nyngkong jong ka Ri, ha Telengana ban pynlah ia ka jingiabujli ia ka data ne jinglum jingtip markyllaing hapdeng ki Iingbishar bad ki Pulit.

Ha ka 06/09/2019, u Nongbishar ba hakhliehduh ba donburom u lah plie ia ka project ICJS (Interoperable Criminal Justice System) bad NSTEP ha complex jong ka Prl. District Court, Karimnagar lyngba ka Video Conference da kaba pynbna ia ka jingplie jong kata ha baroh ki Distrik jong ka jylla Telengana.

Ha kaba sdang, ki pulit ki ju transfer ia ki FIR bad ia ki charge-sheet lyngba ka online sha ka software jong ki e-Court ka CIS lyngba ka ICJS. Da kaba shim ia ki National Police Station code ba lah ai da ka eCommittee ba donburom, jong ka Iingbishar ba ha khliehduh jong ka Ri India, ka NC CIS software, ia ki thanad(Police Stations) lah map da kitei ki code haneng kata ki National Police Station code ban shim ia ki data ne jinglum jingtip jong kata ka thanad.

Kata ka jinglum jingtip ba lah shim kan sa shah pynshisha pat da ki nongtrei jong ka Iingbishar badei ryngkat lang bad ka kot ba iadei ban pynshisha la kata ka jinglum jingtip ka iahap ne em, ka tnat Pulit ka lah ban ioh da u S.R No. bad ban ioh ka jingpynthikna bad u CIR number sa phah sha ka CCTNS.

Ka Mobile Application jong ka Iingkashari High Court:

Ha ka 14 tarik u Naitung 2015, lah pyllait ia ka Application Android Mobile. Kane ka Application ka shna ia ka rynsan ban pynphriang ia ka jingpyntip shaphang ka jinglong jingman jong ka mokotduma, ka causelist bad ki jingpyntip jong ki iingbishar na ka bynta ka jingmyntoi jong ki Nongiasai Ain bad ki briew ba don bynta ha ka mokotduma. Hadien kata, ka Iingkashari High Court ka lah shna ia ki mobile application na ka bynta ki Apple iOS bad ki Windows mobile platform ruh kiba don ia kijuh ki jinglong. Ka Iingkashari High Court ka lah buh ruh ia kata ka Mobile Application ha ka Google Play Store, Apple Application Store bad Windows Store.

Ka Software Application – Optical Character Recognition Software:

Optical Character Recognition software:
TKa Iingkashari High Court ka pyndonkam ia ka Optical Character Recognition (OCR) Software ban pynkylla ia ki file ba lah dep scan sha ki kot ki sla ne ki documents ba lah ban pynkylla/ne kiba lah ban wad, ban sei ia ki lain ba donkam hapoh ka Software (CIS) kum ka kyrteng jong ki Nongmudui kiba bun bad ki Prayer text na ki kot ki sla ba bun ba lah ai da ki Nongiasaid Ain ha ki counter. La pyndonkam ia ka Software ban pynkylla ia ki kot ki sla ba lah dep scan sha ki PDF/A compliant PDF ban shna portfolio.(Ka jingthoh ba don jingpyntip)

Lah pyndonkam ia kane ruh ban pynkylla ia ki jingbishar kiba bun bah jong ka Iingkashari High Court.

Ka Full Court Sitting Arrangement Software(Ka Software na ka bynta ka rukom bynbeit ban shong hapoh jong ka Iingbishar):

Ka rukom pynbeit ban shong na ka bynta ki Nongbishar ba donburom na ka bynta ki por ba don ki jingrakhe kongsan kum ka jingrakhe jingsmai, ka jingai khublei kahtduh, haba sngap mokotduma bad kumta ter ter., lah pynbeit hi da ka komputor lyngba ka jingioh jingtip ba lah ai da ka Registry badei.

Ka Telephone Directory – Ka Mobile Application bad ka Web Interface

Ka Iingkashari High Court ka dang shna ia ka Mobile Application na ka bynta ka Telephone Directory jong ka Iingkashari High Court, te mynta ha ka jaka ban rah ia ka kot Telephone Directory, ki Ophisar, ki nongtrei bad kiwei kiwei ki nongdon bynta jong ka kam bishar khadar ki lah ban ioh ia ka Telephone Directory ha kano kano ka jaka bad ha kano kano ka por ha ki mobile ki jong ki. Ia ka Search Feature (Ka lad ban wad ia ki number) lah buh lang ha ka mobile application na ka bynta ka jingsuk ban ioh ia ki number jong ki briew/section kiba u nongpyndonkam u thmu ban phone. Kane ka application kaba long kaba riewspah ha ka jingbun ki rukom treikam bapher bapher yn sa pyllait ha iwei bad baroh ha shen.

KA GIGW Compliant Website jong ka Iingkashari High Court:

Ka Website jong ka Iingkashari High Court kata https://tshc.gov.in lah shna bad pynmih katkum ka jingbud ryngkat ki kyndon jong ka GIGW. Ka Iingkashari High Court ka lah pynsaphriang ia ka jingtip bniah shaphang kane bad kiwei kiwei ki jingpyntip lyngba kane ka website.