KA IINGKASHARI HIGH COURT JONG KA UTTARAKHAND HA NAINITAL
Ia ka jylla Uttarakhand la pynwandur na ka jylla ba mynshuwa jong ka Uttar Pradesh ha ka 9,Naiwieng 2000.Ha ka por ba la pynlong ia ka jylla,ia ka Iingkashari High Court jong ka Uttarakhand la seng ha kata hi kajuh ka sngi ha Nainital.Naduh kata ka sngi ka iingkashari High Court ka la treikam ha ka iing barim kaba don ha Mallital Nainital ia kaba la tip kum ka Secretariat barim.Ka iing bah jong ka Iingkashari High Court ka long kaba iphuh iphieng bad la shna ia ka ha u snem 1900 A.D.Hakhmat ka jaka treikam jong ka, ka don ka park bad u lum Naina Peak,uba long u lum uba jrong tam ha Nainital u don hadien jongka bad kane ka la pynitynnad shuh ia ka.Ha kaba sdang dang shna tang san tylli ki kamra shim bishar (Court room) hynrei hadien pat la shna shuh shuh ia ki kamra shim bishar.Ha u snem 2007 la shna ia ka Chief Justice Court Block kaba heh bha bad ruh ia ka Block of Lawyers.U Nongbishar bahakhliehduh badon burom u Mr.Ashok A Desai ula long u Nongbishar bahakhliehduh banyngkong kane ka iingkashari ia uba la pynkynriah na ka iingkashari jong ka Allahabad High Court ryngkat lang u Nongbishar badon burom u P.C.Verma,u Nongbishar Rangbah bad u Nongbishar badonburom u M.C.Jain.