Ia ka Iingkashari High Court jong ka Andhra Pradesh la sdang ha ka snem 1954 kaba long ruh ka jingthaw ia ka jylla jong ka Andhra,kaba la pyniakhlad na ka Madras Presidency ba mynshuwa ha kaba ka Principal Seat (ka jaka treikam ba hakhlieh) ka don ha Guntur.Ha ka snem 1956, la kyllum lang ia ka jylla Hyderabad bad jylla Andhra ban pynlong ia ka jylla Andhra Pradesh.La seng ia ka Iingkashari High Court jong ka jylla Andhra Pradesh bad ka jaka treikam ba ha khliehduh ne ka Principal Seat jong ka ka don ha Hyderabad bad ka la sdang ia ka jingtreikam jong ka da ka jingdon jong ki 11 ngut ki Nongbishar,bad u Koka Subba Rao ula long u nongbishar bahakhlieh duh badon burom banyngkong jong ka Iingkashari High Court bamynshuwa jong ka Andhra Pradesh.

              Ha ka snem 2014 la phiah ia ka jylla Andhra Pradesh ha ki ar tylli ki jylla bathymmai ha kaba ka jylla Telangana bad ka jylla Andhra Pradesh ha Hyderabad ka kylla long ka iingkashari High Court kaba peit kyllum lang ia ki artylli ki jylla kita ki long ka Jylla Telangana bad ka jylla Andhra Pradesh kum ka “High Court Judicature at Hyderabad for the state of Telangana and the State of Andhra Pradesh ” naduh ka 2,Jylliew 2014,da ka hok ba la buh ha kyndon ain kaba 30(1) jong ka bynta kaba IV jong ka Andhra Reorganisation Act,2014 bad ka la sdang ia ka jingtreikam jong ka naduh katei ka tarik.

Katkum ka hukum na ka Sorkar India kaba 26,Nohprah 2018 ka Iingkashari kaba dei lang kaba peit ia ka bishar khadar ha Hyderabad na ka bynta ka jylla Telangana bad na ka bynta ka jylla Andhra Pradesh la phiah noh bad ka Iingkashari bathymmai ba la ai kyrteng ka Iingkashari High Court jong ka jylla Telangana bad ka High Court jong ka Andhra Pradesh la seng la buh bad ki la sdang ia ka jingtreikam jong ki naduh ka 12 Kyllalyngkot,2019.Ia ka Iingkashari jong ka jylla Andhra Pradesh la buh ha kaba ka Principal Seat jong ka kadei ha Amaravati.Ka iingkashari High Court jong ka jylla Andhra Pradesh ka la sdang ia ka jingtreikam jongka da ka kynhun treikam jong ki 14 ngut ki nongbishar bad u C.Praveen Kumar ula long u Nongbishar bahakhliehduh ba shipor (Acting Chief Justice) jong ka High Court ka jylla Andhra Pradesh.

Ka Iing treikam ba shipor (Interim Judicial Complex) ha Amaravati na kaba ka Iingkashari High Court jong ka Andhra Pradesh ka treikam mynta, la plie pyrda ha ka 3,Rymphang 2019 da u nongbishar bahakhliehduh ka Ingkashari Supreme Court u Ranjan Gogoi ha ka jingiadon lang u nongbishar badonburom ka Iingkashari Supreme Court u N.V.Ramana,u nongbishar badonburom ka Iingkashari Supreme Court u L.Nageswara Rao bad u nongbishar badonburom ka Iingkashari Supreme Court u R.Subhash Reddy.

U Myntri Rangbah bamynshuwa ka jylla Andhra Pradesh u Nara Chandrababu Naidu,u T.B.Radhakrishnan u Nongbishar bahakhliehduh badonburom ba mynshuwa ka Iingkashari High Court jong ka jylla Telangana,,nongbishar badonburom bamynshuwa ka iingkashari High Court jong ka jylla Telegana u Ramesh Ranganathan,u nongbishar bahakhliehduh jong ka iingkashari High court jong ka Uttarakhand,kiwei kiwei ki nongbishar badonburom jong ka iingkashari High Court ka Andhra Pradesh bad jong ka iingkashari High Court jong ka jylla Telegana,ki nongbishar badonburom ba mynshuwa jong ka inngkashari Supreme Court bad High Court bad kiwei kiwei k riewpawkhmat na ka liang ka ain kila iashim bynta ha kane ka jingplie pyrda.

Ka iingkashari High Court jong ka jylla Andhra Pradesh ka la sdang ia ka jingtreikam jong ka ha kaba iadei bad ka jingshimbishar bad kiwei kiwei ki jingpyniaid kam na ka iingtrei kam ba shipor ha Nela[pandu Amravati naduh ka 18.03 2019.