Ka Iingkashari High Court jong ka Jylla Himachal Pradesh

Haba iadei thik, Ki jaka ba synshar mynshwa da ki syiem ki don la ki jong ki jong ki rukom synshar bad ki ain bad ha jan baroh ki jaka synshar syiem, ka rukom synshar khadar la pyniaid katkum ka mon jong ki Nongsynshar ne ki Wazirs bad ka ktien jong ki ka long ain. Ka Himachal Pradesh ka sa poi kylla long na ka daw jong ka jingpyniasnoh jong 26 tylli ki jylla lum jong ka Shimla bad saw tylli ki jylla lum jong ka Punjab hapoh kawei ka jaka ba lah synshar na pdeng ha ka 15 tarik u Iaiong 1948. Ha ka 1 5 tarik u Iaiong 1954, ki bynta jong ka Bilaspur ruh la pyniasnoh bad ka Himachal Pradesh kiba don ia ka Nongbah ha Shimla. U ba hakhlieh duh u dei u Chief Commissioner. U Chief Commissioner ba nyngkong eh u dei u N.C.Mehta bad lah iarap ia u da u deputy E.Penderal Moon, ICS. Ha ka 30 tarik u Nailur 1948, lah thaw ia ka Advisory Committee na ka bynta ban ai jingiarap ia u Chief Commissioner na ka bynta ka kam synshar khadar.

Ka Sorkar Pdeng ka la pynmih ia ka Himachal Prades (Courts) Order, 1948 ha ka 15 tarik u bnai Nailar 1948. Katkum ka paragraph ba 3 jong kane ka hukum, Ia ka Iingbishar jong u Judicial Commissioner la seng ha Himachal Pradesh bad ia kata ka Iingbishar la buh ha “Harvingtan” (Ha ka Kelston, ha Shimla). La ai ha ka ia ka bor kaba kum jong ka Iingkashari High Court katkum ka Judicial Commissioner’s Court Act, 1950. Nalor ka IIngbishar jong u Judicial Commissioner sa ar tylli ki Iingbishar jong District Sessions Judge bad 27 tylli ki Iingbishar Subordinate Courts la pynmih. Ka Iingbishar u Judicial Commissioner ka la sdang treikam naduh ka 15 tarik u Nailar 1948, bad ha kajuh hi ka snem, ar tylli ki Iingbishar jong u District and Sessions Judge ruh la pynmih. Ki kyndon bad hukum jong ka Iingkashari High Court jong ka Jylla Punjab ryngkat ki jingpynbeit ne jingpynthymmai ba dei la pyntreikam lang na ka bynta ki Iingbishar jong ka Himachal Pradesh. Ha ka 29 tarik u Iaiong 1967, sa artylli ki Iingbishar District bad Sessions Judge, la pynmih kawei na ka bynta ka Shimla bad kawei pat na ka bynta ka Kangra .

Hynrei ha u snem 1966 Ka Sorkar India ka la pyntreikam ia ka Delhi High Court Act bad naduh ka 1 tarik u Jymmang 1967, ka Sorkar Pdeng ka lah pyniar ia ka jingpyntreikam jong kata ka ain sha ka Union Territory jong ka Himachal Pradesh, ha kaba la mih bujli noh da ka Himachal Bench ha ka Iingkashari High Court jong ka Nongbah Delhi ha ka jaka jong ka Iingbishar u Judicial Commissioner ha Shimla bad la sdang ban treikam na ka building ba rim jong ka Iingkashari High Court ba lah tip kum ka “Revenswood”. Ha kata ka por, U Justice K.S.Hedge u long u Nongbishar ba ha khlieh duh ba donburom jong ka Iingkashari High Court jong ka Nongbah Delhi. U Justice S.K.Kapoor ba donburom bad u Justice Hardayal Hardy Ki nongbishar ba donburom ki la pynlong ia ka first circuit bench jong ka Iingkashari High Court jong ka Nongbah Delhi kiba shait shim bishar ha Shimla ha kata ka iing treikam ba khot ka “Ravenswood”.

Ka Himachal Praseh ka la ioh ia la ka jong ka jylla ha ka snem 1971, bad lah thaw ia la ka jong ka Iingkashari High Court kaba don ia ka jong ka Headquarter ha “Ravenswood”, Shimla, kaba don ia uwei u Nongbishar ba ha khliehduh ba donburom bad ar ngut ki nongbishar ba donburom. U Nongbishar ba ha khliehduh ba donburom ba nyngkong eh jong ka Iingkashari High Court jong ka Jylla Himachal Pradesh u dei u Justice M. H. Beg bad sa ar ngut ki Nongbishar ba donburom ki long u Justice D. B. Lal bad u Justice C. R. Thakur.

      Ka iing treikam thymmai jong ka Iingkashari High Court jong ka Jylla Himachal Pradesh

    Ka iing treikam barim jong ka Iingkashari High Court jong ka Jylla Himachal Pradesh

U Justice R. S. Pathak ba donburom, U Justice T. U. Mehta ba donburom, U Justice V. D. Misra ba donburom, U Justice P. D. Desai ba donburom, U Justice N.M. Kasliwal ba donburom, U Justice P. C. B. Menon ba donburom, U Justice Leila Seth ba donburom, U Justice S. K. Seth ba donburom, U Justice V. Ratnam ba donburom, U Justice G. C. Gupta ba donburom, U Justice S. N. Phukan ba donburom, U Justice M. Srinivasan ba donburom, U Justice M. N. Rao ba donburom, U Justice D. Raju ba donburom, U Justice C. K. Thakker ba donburom, U. Justice W.A. Shishak ba donburom, U Justice V.K. Gupta ba donburom, U Justice Jagdish Bhalla ba donburom, U Justice Kurian Joseph ba donburom, U Justice A. M. Khanwilkar ba donburom, U Justice Mansoor Ahmad Mir ba donburom, U Justice Surya Kant ba donburom bad U Justice V.Ramasubramanian ba donburom ki long kita kiwei ki nongbatai ain kiba kongsan bad ba khraw kiba la pynphuh pynphieng ia ka jaka treikam jong u Nongbishar ba ha khliehduh ba donburom jong ka Iingkashari High Court jong ka jylla Himachal Pradesh bad kiba la buh dak kaba kyrpang ha ka long longbriew manbriew jong ki ha kaba iadei bad ka jingtrei kam jong ka Iingkashari High Court.

U Justice M. H. Beg ba donburom, U Justice R. S. Pathak ba donburom, U Justice N. M. Kasliwal ba donburom, U Justice S.N. Phukan ba donburom,U. Justice M. Srinivasan ba donburom, U Justice D. Raju ba donburom, U Justice C.K. Thakkar ba donburom, U Justice Kurian Joseph ba donburom, U Justice A.M. Khanwilkar ba donburom, U Justice Deepak Gupta ba donburom, U Justice Surya Kant ba donburom bad U Justice V.Ramasubramanian ba donburom ki la shah kyntiew sha ka IIngkashari bahakhlieh duh ka Ri India . U Justice M. H. Beg ba donburom bad U Justice R. S. Pathak ba donburom ki la ioh ia ka burom kyrpang ban long ki Nongbishar ba ha khliehduh ba don burom jong ka Iingbishar ba hakhliehduh jong ka Ri India. U Justice R. S. Pathak ba donburom u la iaineh kum u Nongbishar jong ka International Court of Justice ha Hague. U Justice Lokeshwar Singh Panta ba donburom u ioh ia ka burom ban shah kyntiew sha ka Iingbishar ba hakhlieh duh jong ka Ri India ba don burom, beit beit na ka jinglong Nongbishar jong ka Iingkashari High Court jong ka Jylla Himachal Pradesh.

Mynta, ka jaka treikam badonburom jong u Nongbishar ba ha khliehduh ba donburom la bat da u Justice Amjad Ahtesham Sayed ba dondurom uba hapoh ka jingialam ka jong u, ka Iingkashari High Court bad kiwei de ki Iingbishar ba hapoh ia ka Iingkashari High Court Jong ka Himachal Pradesh ka lah nang iai kiew stet bha. Kumta watla ka long kaba rit, kane ka Iingkashari High Court ka don ha ka ia ka jingsngew sarong ha ka jingiaid lynti jong ka bishar khadar jong kane ka Ri jong ngi. Mynta ka jingbun jong ki Nongbishar ha ka Iingkashari High Court jong ka jylla Himachal Pradesh ki long khatlai ngut ba kynthup lang ia u Nongbishar ba ha khliehduh,ha kaba shiphew ngut ki dei ki Nongbishar ba la shah thung ba kynthup ia u u Nongbishar ba ha khliehduh ba don burom.