Ka jingplie ia ka NGDG na ka bynta ki iingkashari High Court

Ia ka National Judicial Data Grid (NJDG) naka bynta ki iingkashari High Court la plie da u K. K. Venugopal, uba long u Attorney General jong ka India, haka 3 tarik u Naitung 2020, ha la jingiadon lang u nongbishar badonburom u Dr D.Y Chandrachud, u shongknor jong ka e-committee uTushar Mehta uba long u Solicitor General ka ri India, u BarumMitra, secretary (Justice), Nongbishar ba donburom u R.C.Chavan, u shongknor synrop ka e-committee, u Sanjeev Kalgaonkar, u Secretary General, ka iingbishar ka ba ha khlieh duh ka ri, bad kiwei ki dkhot jong ka e-committee.

Ka NJDG kadei kaba lumthup ia ki jingtip baroh kiba iadei bad ki mukotduma ha kaba la shna ha kata ka rukom ban pynsuk ia ka rukom wad jingtip (elastic search features). Kat haduh 23tarik, u Naitung, 2020 ia ki jingtip (data) jong ki 3,34,11,178 ki mukotduma kiba dang sahkut lah ban ioh na ka NJDG na ka bynta ki District bad Taluk Court. Lah ban ioh ia kine ki jingtip na https://njdg.e-courts.gov.in/njdgnew/index.php

Ki jinglum jingtip (data) jong ki 43,76,258 ki mukotduma kiba dang sah kut lah ban ioh na ka NJDG naka bynta ki iingkashari High Court, bad lah ban ioh na https://njdg.e-Courts.gov.in/hcnjdgnew/

Ia ka jingshna ia ka NJDG la ioh jingiaroh na ka World Bank kaba la noh synniang ia ka ri India, da kaba pynkiew 20 kyrdan shakhmat kaba pyni ba ka ri India kadei kawei na ki ri ba la ioh kyrdan ha ka Ease of Doing Business ranking (ka kyrdan la lah ban ai da ka World Bank).