ECOURTS SERVICES MOBILE APP
Ka e-Courts Services Mobile application kaba lah ioh ia ka khusnam ditigtal India kum ka jingpynthymmai ia ka lad jingtip shaphang ka Iingbishar ha ka ri. Lah ban ioh ia ka E-Courts Service Mobile Application na ka Google Play Store bad ka Apple App Store. Ka jinglong jingman jong ka mukotduma, ka kyrteng jong ki mukotduma kiba lah buh sngi ban bishar, ki hukum jong ki ingbishar lah ban ioh lyngba kane ka Mobile App kaba pynlong ia kane ka jingshakri kaba lah ban ioh man ka kynta bad man ka sngi (24×7). Ka dei ka lad jingiarap kaba donkam bha na ka bynta ki dkhot jong ka Iingbishar, ki nongiasaid ain ne ki Muktiar, ki nongmudui, ki Pulit, ki nongpyniaid kam jong ka Sorkar, bad kiwei kiwei ki seng lane ki kynhun treikam. Ka pynsuk ia ka jingpynioh biang ia ki jingtip kiba ia dei bad ki mukotduma kiba dang sah ha ki rukom treikam ka iingbishar ha ka liang treikam bapher bapher hapoh ka Iingbishar kum ka CNR [u nombor ba kyrpang uba lah ai ia kawei pa kawei ka mukotduma ba mudui jong ka district lane taluka], ka kyrteng jong ki mamla, ki kyrteng jong ki Muktiar, u nombor ejahar, jait mukotduma lane ki ain ba iahap.
Ki jingtip kiba don ha ka National Judicial Data Grid (NJDG) na ka bynta ki iingbishar ha ka district bad taluka lah ban ioh mynta lyngba ki lad Mobile App. Ki nongpyndonkam ia kane ka app ki lah poi palat ia ka 46,50,000 (4 lak 6 klur) kaba pynpaw ia ka jingpawnam bad jingmyntoi jong kane ka application.
Ia kane ka app la pynthymmai da ka jingdon jong u QR Code. Kumta u nongpyndonkam u lah ban wad ia ka jingtip kaba kham bniah shaphang ka mukotduma ha ka Mobile phone da kaba eksamin ia u QR Code. Ia U QR Code lah ban ioh na ka eCourts website bad ka eCourts Services Mobile Application. Kane ka kynthup ruh da ka jingdon jong ka ‘histori jong ka mukotduma’ kaba ai lad ia uwei pa uwei u briew ban peit lane wad ia baroh ki jingjia kiba iadei bad ki hukum kiba lah pynmih ha ka mukotduma naduh ka jingiasaid ba nyngkong haduh mynta myne. Lah ai ia ki link ha ki app hi ban peit lane wad ia ki rai bad hukum jong ki mukotduma. Ka jingdon jong ka Date Case List (ka jingkyntiew tarik ia ki mukotduma) ka pynsuk ia ki Muktiar ban pynmih ia ka list ki mukotduma.