NATIONAL JUDICIAL DATA GRID

Ka NJDG ka dei kawei na ki project ia kaba lah saindur bad pyntrei da ka eCourts project, lah ithuh ruh kum kawei na ka jingthaw kiba kongsan hapoh ka Ease of Doing Business kaba hap hapoh ka jingkhmih jong ka sorkar jong ka ri India. Kane ka portal ka dei kaba lum ia ki jingtip kyllum ia ki mukotduma kiba dang iaid bad kiba lah kut ha baroh ki iingkashari jong ka District bad Taluka jong ka ri. Ia kane ka Portal lah pynshong nongrim da kaba pyndonkam ia ki kor ki bor kaba pynsuk ban pynbiang ia ki mukotduma bad ban khmih halor ki mukotduma kiba lah ban pynkut.

Ki jingtip kiba lah ban thep bad lum ha kane ka portal ban peit kumne harum:-

Katkum ki jait mukotduma
Katkum ki snem
Katkum ki Jylla
Ka jingpynkut ia ki mukotduma ha ka shi bnai
Lyngba ka kyrdan original/appellate/execution ha ka jingialeh mukotduma
Ki daw jong ka jingpynslem

Ka NJDG ka ai jingkhein lang ia ki mukotduma kiba dang sdang, kiba la kut bad kiba dang sah ha baroh ki Iingbishar hapoh ka ri. La pynbeit ia kine ki jingkhein man la ka sngi da ki Iingkashari bapher bapher. Ka website ka pyni ia ki nombor jong ki mukotduma ba lah thep ban ialeh bad kumjuh ruh ia ki mukotduma kiba dang sah. U nongpeit u lah ban ioh ia ka jingtip shaphang kawei pa kawei ka mukotduma. Ia ka jingsah jong ki mukotduma lah phiah hapdeng ki Civil bad Criminal kiba dang lah ban pyniaphiah da kaba pynshong ia ki katkum ka snem jong ki, kum ki mukotduma ki ba lah shiphew snem, kiba hapdeng san haduh shiphew snem bad kumta ter ter. Ki paidbah ki lah ban peit laitluid ia ka jingkhein jong ka jingsah jong ki mukotduma ha ki kyrdan jong ka ri, jylla bad District.