Ka khusnam 2020 Digital India Award -Ka khusnam na ka bynta ki kam ba kynsai ka ka Award for Excellence in Digital e-Governance

Ka e-Committee jongka Iingkashari Supreme Court ka la iohpdiang ia ka khusnam Platinum Award for Excellence in Digital Governance na ka bynta u snem 2020 na ka President ka Ri India.

Ka e-committee ka shlem ai jingshakri ia ki nongshongshnong ka Ri bad ka nongpynlong ia ka jingpynthymmai ia ki kor ki bor digital ka la wanrah ia ka jingtreikam kaba kongsan bha ha kaba iadei bad ki hok tynrai ban pyniasnoh ia ki bad ka jingpynioh ia ki hok jong ka jingim ki briew,khamtam ha ka por ba wan lynshop ka khlam kovid 19.Ha ka por ba wan kane ka khlam kumba 55,417,58 tylli ki mukotduma la bishar da kaba shu ringdur da kaba pyndonkam ia ki kor ki bor digital ba la ai da ka e-Court project kaba la pynlong ia ka Ri India ka nongialam ba ha khmatduh ban pynlong ia ki jingshim bishar mukotduma lyngba ki kor ki bor internet da kaba shu ring dur ne video conferencing.Ka jinglut na ka bynta kane ka la long 250 klur.

Ki nongshongshnong ki lah ban pyniasoh ialade ne ioh ia ki jingtip ia ki jinglong jingman ki mukotduma,ka cause list,ki hukum jong ki iingbishar na kano kano ka jaka ha kano kano ka por lyngba ka website jong ka e-Court,ka mobile app,ka SMS bad ka email.Ki nongshongshnong,kiba don bynta ha ki mukotduma bad ki muktiar ki lah ban ioh ia ki jingtip babniah jong ki 13.79 klur tylli ki hukum bad ki rai da kaba shu leh online ha man la ka 24 kynta jong man la ki 7 sngi khlem da donkam jingsiew ei ei.

Ia ka Case Information System ban ioh noh hangto hangto ia ki jingtrei kam ha ka liang ka bishar ka khadar la dep leh ha ki 3293 ki iingkashari.Ka e-Taal ka la buh jingkhein kumba 242 klur ka jingpyniaid kam ne transaction kat haduh ka 14,Nohprah 2020 kaba la pyni ia ka jingjop bad ka jinglah jong ka e-Court ban pynpoi ia ka jingshakri jong ka sha ki nongshongshnong.

Ka National Judicial Data Grid (NJDG) ka la long ka project jong ka e-Committee kaba buddien ia ki mukotduma ba dang sah ha ka Ri bad ka pyntikna ia ka jingtrei kam bakhuid bad ba shai jong ka jingiaid ka bishar khadar da kaba wanrah ia kine ki jingtip ha ki rynsan paidbah.

Ka e-Committee ka la digitized ne wanrah lyngba ki kor ki bor digital ia ka ka rukom treikam lyngba ka National Service and Tracking of Electronic Process (NSTEP).

Ka e-Committee ka la shim ruh ha la bor ban pynlah ia ka ban pyntreikam ia ka bishar khadar,kynthup ka ka jingshakri lynba ki kor ki bor digital,ka jingpyniasoh bad ki briew ba duna ki dkhot met da kaba shim ia ki sienjam ban lah ban plie ia ki website jong ki iingkashari,ban pynlah ruh ia ki ban mudui mukotduma online lyngba ki kor computer bad ban pynioh ia ki hukum bad ki rai ha ki format na ka bynta ki briew kiba matlah.

Nalor ki jingwanrah bathymmai kiba iadei bad ka bishar ka khadar lyngba ki kor ki bor digital,ka e-Committee,ki prokram ai jingjikai pyntbit jong ka ki la poi sha ki 1.67 lakh ki muktiar,ki Nongbishar bad ki nongtrei ha ka bor ba lynshop ka khlam (Jymmang 2020 haduh Nohprah 2020).

ki khusnam ba bniah