Ka khusnam National Award 2021

Ka Ecommittee jong ka iingkashari Supreme Court ka Ri India ka la iohpdiang ia ka khusnam National Award na ka bynta ki jaka treikam ba la buh ban pynkupbor ia ki briew kiba don jingduna ki dkhot met,2021 – Ka Sarvshrestha Sugamya Yatayat Ke Sadahan/Soochana Evem Sanchar Prodyogiki ia kaba la ai da ka President Badonburom ka Ri India ka Droudadi Murmu ha ka jingialang ba la long ha Vigdyan Bhawan ha ka 3,Nohprah 2022.Ia ka jingthmu ban pynlong ia ka jingpyniasoh ia ka rukom treikam ka tnat bishar khadar lane ka Indian Judicial System lyngba ki kor ki bor digital bad ki briew kiba don jingduna ha ki dkhot met ka la long ka bynta bakongsan jong ka kam ka Ecommittee,Ka Iingbishar Supreme Court jong ka Ri India.U Nongbishar ba hakhliehduh badon burom ka Ri u D.Y.Chandrachud ,uba long ruh u nongpeit ba hakhliehduh jong ka eCommittee u la kyntu ia baroh ki iingbishar High Court ban pyntreikam ia ka jingpyniasoh lyngba ki kor ki bor digital ia baroh ki briew kiba don jingduna ki dkhot met ka ban long katkum ka hok ba ki dei ban ioh katkum ba la pruid dak da ka Riti Shynshar ka Ri India ryngkat ki jingai jingmut bad ki jingbuddien ne jingtuklar jong ki Iingkashari High Court.U mawmer ba kongsan ha ka jingpyrshang jong ka Ecommittee halor kane ka thong ka la wanrah ia ka jingdon ia ki website ha baroh ki iingbishar High Court,ka website jong ka Ecommittee and ka e-Court,ka jingwad ia ki rai ne ka judgment search portal kaba lah ban pynioh sha baroh ki briew kiba don jingduna ki dkhot met.Na ka bynta ki riewpyntbit ha ka ain lane ki Legal professionals kiba don jingduna ha ki dkhot met,kine ki lad ki la long ka jingiarap bakhraw ia ki ban trei ia ki kam jong ki ha kajuh ka rukom kumba trei kiwei pat ki bym don jingduna ki dkhot met bad ka la long ka lynti ba la iaid shakhmat kaba la kynthup ha ka jingpyniasnoh ia ka jingpyntrei ia ki kam ain.

Phi lah ban shon ia kane ka link ban peit ia ka jingaikhusnam: https://www.youtube.com/watch?v=yj5bof1wIGs

ki khusnam ba bniah