U Nongbishar Ba Ha Khlieh duh ka Ri India U Justice Sanjiv Khanna
(DoB.): 14-05-1960
Ka samoi trei kam : (DoA) 18-01-2019 to (DoR) 13-05-2025
Sngikha: 14th Jymmang, 1960.
U la pynrung kyrteng ïalade kum u muktiar bad ka Bar Council jong ka Nongbah Delhi ha ka snem 1983. Ha kaba sdang u la ïasaid ha ki Ïingkashari District court ha ki jaka trei TisHazari (TisHazari complex) ha Delhi, bad hadien kata u la ïasaid ha ka Ïingkashari High Court Delhi bad ki ïingbishar Tribunal ha ki phang kum ki aiñ kiba iadei bad ka riti shynshar (constitutional law), ki aiñ kiba iadei bad ka jingsiew khajna (direct taxation),ki jingiapynbeit aiñ (arbitration), ki aiñ kiba iadei bad ka khaï ka pateng (commercial law), ki aiñ kiba iadei bad ki kompani (company law), ki aiñ jaka puta (land law), ki aiñ kiba iadei bad ka sawdong sawkun (environmental law) bad ka jingtorti ha ka liang ka jingsumar ha ka koit ka khiah (medical negligence). U la trei slem bha kum u muktiar rangbah na ka bynta ka tnat Income Tax. Ha ka snem 2004, u la shah thung kum u muktiar ha ki mukotduma paidbah (civil) na ka bynta ka Territory Delhi kaba long ka Nongbah jong ka Ri ( National Capital Territory of Delhi). U la mihkhmat bad ïasaid ha kiba bun ki mukotduma kam bymman (criminal cases) ha ïingkashari Delhi High Court kum u Additional Public Prosecutor bad kum u muktiar ba iarap ïa ka ïingbishar (amicus curie).
La kyntiew ïa u kum u Nongbishar jong ka ïingkashari Delhi High Court ha ka snem 2005 bad la pynskhem ïa u kum u (nongbishar permanent judge) hangta, ha ka snem 2006. Kum u Nongbishar ka ïingkashari Delhi High Court u la bat ia ka kyrdan kum u Shongknor/u Nongbishar ba pyniaid (Chairman/Judge-in-charge), jong ka Delhi Judicial Academy, Delhi International Arbitration Centre bad ki District Court Mediation centre.
U la shah kyntiew kum u Nongbishar jong ka Ïingkashari ba ha khlieh duh ka Ri (Supreme Court) ha ka 18 tarik u Kyllalyngkot,2019.
U la bat ia ka kam kum u Shongknor ka Supreme Court Legal service Committee, naduh ka 17 tarik u Jylliew,2023 haduh ka 25 tarik u Nohprah,2023.
Mynta u dang long u Shongknor bahehduh (Executive Chairman) jong ka National Legal Services Authority bad u dkhot jong ka Governing Counsel jong ka National Judicial Acedemy, Bhopal.
Un dang shongthait na ka kam ha ka 13 tarik u Jymmang, 2025.