U Nongbishar Ba Ha Khlieh duh ka Ri India U Justice Bhushan Ramkrishna Gavai
Sngikha 24-11-1960
Ka Samoi treikam : (Ka Tarik ba rung kam) – 24-05-2019 – (Ka Tarik ba shongthait) 23-11-2025
La kha ha ka 24th U Naiwieng,1960.
La kha ïa u ha ka 24 tarik u Naiwieng 1960 ha Amravati. U la pynïasnoh ïalade bad ka Bar ha ka 16 tarik u Lber 1985.U la ïatreilang bad u Bar Raja S. Bhonsale, U la long u Advocate General barim bad u Nongbishar jong ka Ïingkashari High Court haduh ka snem 1987. U la trei kum U muktiar ba marwei ha ka Ïingkashari Bombay High Court naduh ka snem 1987 haduh 1990. Hadien ka snem 1990 u la ïasaid khamtam eh hakhmat ka Ïingbishar Nagpur Bench kaba hap hapoh ka Ïingkashari Bombay High Court.
U la ïasaid halor ki mukotduma kiba iadei bad ki aiñ jong ka Riti Synshar (Constitution law) bad ki aiñ kiba iadei bad ka Synshar ka Khadar (Administrative Law). U la trei kum u muktiar na ka bynta ka Municipal Corporation jong ka Nagpur, Amravati Municipal Corporation bad ka Skulbah Amravati. U la mihkhmat ruh bunsien na ka bynta ki kynhun treikam bym hap ha ka jingpyniaid ka Sorkar (Autonomous bodies) bad ki kynhun treilang (corporation) kum ka SUCOM, DCVL bad kiwei kiwei de ki Municipal Council ha ka thain Vidharbha.
U la trei kum u Muktiar sorkar bad U Additional Public Prosecutor ha ka Ïingkashari Bombay High Court, Nagpur Bench naduh u Nailar 1982 haduh U Naitung 1993. La thung ia U kum u Muktiar Sorkar bad U Public Prosecutor na ka bynta ka Nagpur Bench ha ka 17th, Kyllalyngkot 2000. La pynkiew kyrdan ia U kum u Nongbishar Synrop (Additional Judge) jong ka Ïingkashari High court ha ka 14th Naiwieng, 2003.
U la long U Nongbishar bapura (Permanent Judge) jong ka Ïingkashari High Court ha ka 12th Naiwieng, 2005. U la pyniaid ïa ki kam jong ki Bench ïa kiba la pynkhamti ha ki kam bapher bapher ha ka Principal seat ha Mumbai bad kumjuh ruh ha ki bench bapher ha Nagpur, Aurangabad bad Panaji. La kyntiew kyrdan ïa U kum u Nongbishar jong ka Ïingkashari ba hakhlieh duh ka Ri India ha ka 24th Jymmang, 2019.
Ha ki hynriew snem kiba la dep, u la shim bynta ha kumba 700 tylli ki bench da kaba peit halor ki phang bapher bapher kynthup ia ki aiñ jong ka Riti Synshar bad ki aiñ ka Synshar ka Khadar, ki aiñ paidbah, ki aiñ kam bymman, ki phang kiba iadei bad ki jingiakajia ha ka khaii pateng, ki aiñ arbitration, ki aiñ bording, ki phang kiba iadei bad ka pule puthi bad ki aiñ kiba iadei bad ka sawdong sawkun ka mariang bad kiwei kiwei.
U la thoh haduh kumba 300 tylli ki Rai (judgements) kynthup ia ki rai kiba iadei bad ki constitutional bench halor ki mat bapher bapher da kaba batskhem ia ki kyndon jong ki aiñ bad ban ïada ïa ki hok tynrai (fundamental rights), ki hok longbriew manbriew (human rights) bad ki hok ba ïadei bad ki aiñ (legal rights), jong ki nongshong shnong ka Ri.
U la ïashim bynta ha ki conference bapher bapher shabar ka Ri kiba la long ha Ulaanbaatar (Mongolia), New York (USA), Cardiff (U.K.) bad Nairobi (Kenya).
U la ai jingkren halor ki phang bapher bapher kiba ïadei bad ki riti synshar, ki mat kiba ïadei bad ka sawdong sawkun ka mariang ha ki Skulbah bapher bapher bad ki kynhun treikam bapher bapher kynthup ka Skulbah Columbia bad ka Skulbah Harvard.
Un sa shongthait na ka kam ha ka 23rd Naiwieng, 2025.