U K.V.Viswanathan,U Nongbishar badon burom jong ka Ïingkashari ba ha khliehduh ka Ri India
- La kha ïa u ha ka 26 tarik u Jymmang, 1966.
- U kpa jong u, u long u K.V. Venkataraman bad ka kmie jong u ka la long ka Lalitha Venkatharaman.
- U la shongkurim ia ka Jaishree Viswanathan bad u la don arngut ki khun kynthei.
- U la pyndep ia ki jingpule jong u na Arokiamatha Matriculation Higher Secondary School, Pollachi; Sainik School Amaravathinagar bad na St.Joseph’s Higher Secondary School, Ooty.
- U la pyndep ia ka degree ha ka kyrdan kaba nyngkong na Coimbotore Law College, Bharathiar University, Coimbotore, kum uwei na ki nongpule banyngkong (first batch) ha ka phang jong ka aiñ, kaba hap ban pyndep haduh san snem (1983-1988) bad u la ioh ruh ïa ka degree ha ka jingpule kaba iadei bad ka Aiñ.
- U la pynrung kyrteng ialade kum u Muktiar ha ka thup kyrteng jong ka Bar Council jong ka jylla Tamil Nadu ha ka 28 tarik Risaw,1988 bad la pynkynriah noh pat sha ka thup kyrteng jong ka Bar Council jong ka nongbah Delhi.
- U la trei ha ki kamra treikam (chambers) jong u K.A.Ramachandran (bam kwai ha ïing u Blei) uba la long u muktiar uba paw bad ba tbit bha ha ka liang ki mukotduma kam bymman (Criminal), ha ka por ba u dang pule kolej hapdeng ki snem 1983 bad 1988.
- Hadien kata u la pyniasnoh ialade da kaba trei ha ki kamra treikam jong u C.S. Vaidyanathan, u Muktiar Rangbah bad u Additional Solicitor General ba mynshuwa, ha nongbah New Delhi naduh u Naiwieng, 1988 bad ula trei hangta haduh u Risaw, 1990. Ula iarap ia u na ka bynta ki mukotduma kiba kongsan hakhmat ka Ïingkashari ba ha khlieh duh ka Ri, ka Ïingkashari Delhi High Court bad kiwei kiwei ki ïingkashari ba hapoh (subordinate courts) bad ki ïingbishar Tribunal ha Delhi.
- U la iatreilang ha kajuh ka kamra trei kam bad u K.K. Venugopal, u Muktiar Rangbah bad u Attorney General bamynshuwa ka Ri India, naduh u Naiweing, 1990 haduh u Jylliew, 1995 bad ula iarap ban mihkhmat ryngkat bad u na ka bynta ki mukotduma kiba kongsan hakhmat ka Ïingkashari ba ha khlieh duh ka Ri bad ki Ïingkashari ba ha khlieh duh ki jylla.
- U la iashim bynta ha ka Program of Instruction na ka bynta ki muktiar ha skul aiñ Harvard Law School, Boston, Massachusetts ha u Jylliew, 2002.
- La pynkiew ïa u kum u Muktiar Rangbah da ka Full Court jong ka Ïingkashari ba ha khlieh duh ka Ri ha ka 28.Ïaiong, 2009.
- La thung ia u kum u Additional Solicitor General ka Ri India ha ka 26.Nailar,2013 bad u la bat ia kane ka kam haduh u Jymmang, 2014.
- Ha ka por ba u dang trei kum u Muktiar, u la ïasaid hakhmat ka Ïingkashari ba ha khlieh duh ka Ri bad ha ki Ïingkashari High Court bapher bapher ha kylleng ka Ri. Kum u Muktiar Rangbah bad kum u Additional Solicitor General, u la mihkhmat na ka bynta ki mukotduma kiba don ki phangpdeng bapher bapher kiba iadei bad ka aiñ, kynthup ruh ia ki jingmihkhmat babun hakhmat ki kamra bishar bapher bapher jong ka Ïingkashari Supreme Court.
- U la mihkhmat kum u amicus curiae (u muktiar uba iarap ia ka ïingbishar) ha ki ba bun ki mukotduma bakongsan hakhmat ka Ïingkashari ba ha khlieh duh ka Ri.
- U la long u dkhot jong ka National Legal Services Authority [NALSA].
- U la long ruh u dkhot jong ka Supreme Court Legal Services Committee.
- U la long ruh u Secretary bad hadien kata u Treasurer jong ka Supreme Court Middle Income Group Legal Aid Committee.
- U la mih ruh hakhmat ka Justice Verma Commission of Inquiry bad ka Justice M.C.Jain Commission of Inquiry ha ka snem 1991.
- U la noh synñiang ha ka kaiphod jong ka Chief Justice J.S.Verma Committee halor ka ‘Effectuation of Fundamental Duties’ kaba hap hapoh ka phang ‘Administration of Justice’.
- U la noh synñiang shibun ki jingthoh ha ki kot khubor ba la pynmih ha kylleng ka Ri bad u la leit ban ai ia shibun ki jingkren ha ki kolej ba iadei bad ka jingpule ia ka aiñ.
- Kiwei pat ki jingsngewtynnad jong u ki kynthup ia ki jingpule ia ki khana ki bymdei kiba la shu thaw hi (Non-fiction) bad u sngewtynnad ruh ban peitkai ia ki jingialehkai sport bapher bapher.
- La kyntiew kyrdan beit beit ia u na ka liang ka bar kum u Nongbishar jong ka Ïingkashari ba ha khlieh duh ka Ri India ha ka 19.Jymmang,2023.