VIRTUAL KACHARI

Ka jingthmu jong ka Virtual Court ka long ban pynduna ia ka jingdon jong ki nongmudui bad nongsaid ain ha ki Iingshakari bad ban pynlong ka jingiasaid ia ki mukotduma lyngba ki kor ki born a la ki jaka jaka. Lah saindur ia kane ka jingmut khnang ban lah ban pyndonkam janai ia ki Court resources bad ban plie lad lynti ia ki nongmudui ban ia pynbeit ki mukotduma/jingiakajia kiba mulu mala.
Ia kane ka Virtual Court lah ban bishar da U Nongbishar katkum ka bor iktiar jong u ha kano ka jaka bad kumjuh ruh lah ban kner ha baroh kawei ka jylla bad lah ban treikam 24×7 kynta. Yn ym donkam eh ia ki Nongbishar ne ki nongmudui ban wan mih sha ka Iingbishar na bynta ban pynlong ia ki jingiasaid bad pynsuk ia ki jingiakajia. Lah ban ioh ia ki jingtip lyngba ki kor ki bor bad ia ki hukum ne ka jinsiew ia ki fine lah ruh ban leh da kaba pyndonkam ia ki kor ki bor. Ia kum kine ki jaid Iingkashari lah ban pyndonkam na ka bynta ban ai rai ia ki mukotduma da kaba rai pynrem ia u nongleh kam sniew ne ka jingbym wan mih jong u nongshahmudui wat haba lah ioh pdiang ia ka kot hajir. Kum kine ki jaid mukotduma lah ban rai pynkut noh da kaba siew ia ka fine.
Namar ka long kaba donkam ban ithuh shuwa ia ki jait mukotduma kiba kumno kiba dei ban pynkut da ka Virtual Court, ia mynta, namar ka long shi bynta jong ka jingsdang bad jingpyrshang ba thymmai, ki jait mukotduma kiba la kdew harum la shem ba lah ban bishar ha ki Virtual Court:-

1. Ki mukotduma kiba hap hapoh ka ain Motor Vehicle Act(Traffic Challan Cases)
2. Ki jait mukotduma ia kaba lah ban ai ia ki kot hajir katkum ka Section 206

Visit : http://vcourts.gov.in