AUTOMATED EMAIL

Ia ka CIS Software la shna ha kata ka rukom ia kaba ka lah ban phah mar mar ia ki email sha ki nongsaid ain bad nongmudui ryngkat ia ki jingtip ba kham bniah shaphang ka jinglong jingman jong ki mukotduma, ka tarik ba lah buh ban iasaid biang, ki kyrteng jong ki mukotduma kiba lah buh sngi ban bishar bad ki hukum. Uno uno uba thmu ban pyndonkam ia kane ka CIS Software un hap ban ai ban rejistar ia ka email jong u ha ka CIS software. Hadien kata ia ki email yn phah sha ki nongmudui, ki nongsaid ain, ki tnad ain (law enforcement agencies) bad ki tnad bapher bapher jong ka Sorkar. Ia kane ka system lah shna ha kata ka rukom ba ka lah ban pynmih ia ki jingpynbna ba man ka sngi shaphang ki mukotduma ha ka sngi ba lah buh ban bishar, ka tarik ba lah buh ban sngap biang ia ki mukotduma, ka jingkynriah ia ki mukotduma bad ka jingkut jong ki mukotduma. Ka iarap ruh ban phah da ka mail ia ki hukum/rai jong ka Iingkashari ha ka dur jong ka PDF.