NSTEP

Ka jingphah ia ki kot hajir kum ha ki por ba lah leit noh ka wanrah ia ka jingsuki bad jingslem ha ka jingpynkut/jingbishar ia ki mukotduma. Ka NSTEP ka dei kata ka lad ban wad jingtip bad buddien ia ki application kynthup ia ki Web application bad la kyrshan ia kane ka kam lyngba ka Mobile app ba la shna kyrpang. Kane ka NSTEP Mobile App ka pynshai, pynsting bad pynsuk ia u bailiff (u nongtrei ha ingbishar) bad u nongleit ai kot hajir ban buddien halor kitei ki kot hajir ha kano kano ka por. Hadien ba la lah pyndonkam ia ka NSTEP lyngba ka CIS da ki iingshari bapher bapher, lah ban ioh ia katei ka jingtip lyngba ka NSTEP web application ha ka dur jong ka electronic format. Ka NSTEP web application ka ai jingtip sha u bailiff lada ka kot hajir ka lah poi sha ka jaka ba dei ban poi ne em. Ka iarap ruh ban ai ia kane ka jingtip sha baroh ki Iingshari kiba don ha ka jylla bad shabar ka jylla.

U bailiff u lah ban khmih ia kane ka kam lyngba ka NSTEP Mobile App. Ki bailiff ki lah ruh ban ioh ia katei ka jingtip lyngba ka e-Court hapoh ki Mobile Phone Android. U bailiff u lah ban pyndonkam da ka GPS, ka dur jong u nongioh ne ka jaka sah (ha bym don manomano ban pdiang ia ka kot hajir), ka jingsoi jong u nongshim bad ka jingkyntiew ia ka daw/nongrim ha bym lah ban ai. Ia kane ka jingtip lah ban ioh na ka NSTEP application. Hadien ba lah ioh pdiang ia kane ka jingtip lyngba ka NSTEP application, ka jingtip lah phah pat sha ka CIS ban pynsuk ia ki iingshari ban ioh ia ki jingtip ha kaba ia dei bad ka jinglong jingman jong ka service. Kumta, ka NSTEP ka pynurlong ia ki thong ba donkam eh kumne harum: –

• Ka pynsuk ban ioh ia ka jingtip lyngba ki kor ki bor ha kaba ia dei bad ka jingphah ia ki kot hajir.
• Ka jingphah ne jingbuddien na ki jaka ba kham jngai ka pynduna ia ka por ha kaba phah ia ki kot hajir.
• Ka jingphah ia ki kot hajir lyngba ki kor ki bor la hapoh ka District bad shabar ka jylla ka la pynduna shibun ia ka por ban ia kaba phah lyngba ka ingdak.
• Ka jingbuddien ba shai ia ki jingphah jingtip bad jingkhot hajir da baroh kiba ia don bynta.
• Ka jingpyndonkam ia ka GPS bad ka Bhuvan Maps (Kaba lah pynmih da ka tnad ISRO).